Firimooni 1:11 - Bbaibbuli y'oLugwere

¹¹ Eira yabbaire takugasa, neye atyanu atugasa swenaswena, iwe na nze.

Firimooni 1:11 Iomraidhean Croise

Matayo 25:30

Era omugalama oyo abula ekyagasa, balimubbingira e nza omu ndikiirya, eeyo e giyalikungira nʼokuŋiiya amaino.’ ”

Luuka 15:24

olwʼokubba omwana wange onu yabbaire afiire, neye airiwire; yabbaire agotere, neye abonekere.’ Kale awo ni batandiika okujaagaana.

Luuka 15:32

Neye tubbaire nga tuteekwa okujaagaana nʼokusangaala olwʼokubba omugandawo oodi iye yabbaire afiire, neye atyanu airiwire; iye yabbaire agotere, neye atyanu abonekere.’ ”

Luuka 17:10

Kale nywena, owemubbanga mumalire okukola ebyo byonabyona ebibabakobere okukola, mukobanga muti, ‘Iswe tuli bagalama, titusaanira okutusiima, olwʼokubba tukolere biibyo ebitubbaire tuli nʼokukola.’ ”

Abʼe Looma 3:12

Abantu bonabona bamuzwireku; ni basuuka ekitagasa egyali. Mpaawo akola ebisa, era kadi waire moiza.

2 Temuseewo 4:11

OLuuka yenkani niiye ali na nze. Obitye oMaako oize naye, olwʼokubba ambeera ino omu buweererya bwange.

Firimooni 1:10

nkwegairira olwa Onesimo eyasuukire mwana wange omu Kurisito nga ndi omu busibe.

Firimooni 1:12

Mmusindika aire egyoli neye nga mmutaka ekibitiriire.

1 Peetero 2:10

Mwabbaireku bantu abanambulamu, neye atyanu muli bantu ba Kibbumba. Mwabbaireku nga tibabakwatiire ekisa, neye atyanu bakibakwatiire.