San Lucas 9:7 - Guaraní Pe (Western): Simba

⁷ Jare mburuvicha guasu Herodes uyandu opaete Jesús uyapo vae regua. Jayave ipɨacañɨ. Echa'ã amocue vae jei: —Juan icove ye ma ou umanocue vae reta ipɨte güi.

Biblia

⁷ Jare mburuwicha wasu Herodes uyandu opaete Jesús uyapo wae rewa. Jayawe jopa iko, echa’ä amokue wae jei tëi: “Jae ko aipo Juan aramoi ikowe ye ma ou umanokue wae reta ipɨte wi,” jei reta tëi.

San Lucas 9:7 Iomraidhean Croise

San Mateo 11:2

Jare Juan peresorɨru pe oĩ rambueve, uicuaa Cristo uyapo oĩ vae regua. Jayave ombou mocui jemimboe reta Jesús oĩ vae pe

Marcos 8:28

Jae reta umɨmbeu chupe: —Amocue vae jei nde co jae Juan upurumbɨbautizase vae, jare ĩru vae reta jei nde co jae Elías, jare ĩru vae reta jei nde co jae penti Tumpa iñee aracae umɨmbeu vae —jei reta.

San Lucas 13:31

Jocua ara yugüeru Jesús oĩ vae pe amocue fariseo reta. Jae reta jei Jesús pe: —Ecua cua güi. Echa'ã Herodes uipota ndeyucaca.

San Lucas 21:25

Jayave ɨvɨ pegua reta uechata mbae uyecuaa oĩ guarasɨ jare yasɨ jare yasɨtata reta re. Jare opaete ɨvɨ pegua reta uiporarata jare ndarau uicuaa mbae uyapo vaerã. Jare ɨ guasu reta jɨapu eteta —jei—.

San Lucas 23:7

Jayave umɨmbeu reta Pilato pe Galilea pegua co Jesús. Jayave Pilato güɨraaca Jesús Herodes pe. Echa'ã Herodes co jae Galilea pegua reta juvicha guasu. Jare jocua ara reta pe Herodes opou oĩ Jerusalén pe.

San Lucas 3:1

Jare Tiberio César quince año ma romano reta juvicha guasurã ico yave, Tumpa ombou iñee Juan pe. Juan co jae Zacarías taɨ, jare ico ñana pe. Jocua ara reta pe Poncio Pilato ico Judea pegua reta juvicha guasurã, jare Herodes ico Galilea pegua reta juvicha guasurã, jare Herodes tɨvɨ Felipe jee vae ico ɨvɨ Iturea pegua reta jare ɨvɨ Traconite pegua reta juvicha guasurã, jare Lisanias ico ɨvɨ Abilinia pegua reta juvicha guasurã. Jare Anás jare Caifás yugüɨreco Israel pegua reta isacerdote tenondegua retarã.

San Lucas 9:19

Jae reta jei chupe: —Amocue vae jei nde co jae Juan upurumbɨbautizase vae, jare ĩru vae reta jei nde co jae Elías, jare ĩru vae reta jei nde co jae penti Tumpa iñee aracae umɨmbeu vae icove ye ma ou umanocue vae reta ipɨte güi vae —jei reta.