San Lucas 8:2 - Guaraní Pe (Western): Simba

^2-3 Jare jeta cuña reta yugüɨraa vi jae jupíe jare omborɨ Jesús jare jemimboe reta. Mbaembae uata Jesús jare jemimboe reta pe yave, jocua cuña reta ogua chupe reta. Tenonde yave amocue jocua cuña reta imbaerasɨ jare aña reta oya amocue vae re. Ẽrei Jesús umbɨgüera. Penti cuña jee co María Magdalena. Jesús umbɨsɨrɨ siete aña reta chugüi. Ĩru jee co Juana. Jae co Chuza jembireco. Chuza co jae mburuvicha guasu Herodes jembiocui. Ĩru jee co Susana.

Biblia

^2-3 Jare amokue kuña reta yuraa wi Jesús ndiwe jae reta omborɨ waerä Jesús jare jemimboe reta mbaembae onoi wae rupi. Amokue kua kuña reta tenonde yawe imbaerasɨ yureko, jare amokue reta re aña uyembɨiya. Erëi Jesús umɨnguera reta. Jare kua kuña reta ipɨte wi pëti wae ko jee María Magdalena. Jesús omoë chuwi chiu aña reta. Ïru wae jee Susana. Jare ïru wae ko jae Chuza jembireko Juana jee wae. Chuza ko jae mburuwicha wasu Herodes pe uyeyokui wae reta itenondewa.

San Lucas 8:2 Iomraidhean Croise

San Mateo 4:24

Jare opaete ɨvɨ Siria pegua reta uyandu Jesús uyapo vae regua. Jare ĩru vae reta güeru jae oĩ vae pe imbaerasɨ vae reta. Amocue vae uiporara ete jasɨ vae, jare aña oya amocue vae re, jare amocue vae imbɨquere, jare amocue vae ipuere mbae omɨ vae. Jayave Jesús umbɨgüera reta.

Marcos 16:1

Mbutuu ara uasa ma yave, María Magdalena, Jacobo ichɨ María jee vae jare Salomé ogua mbae ipiche cavi vae, jare yugüɨraa uipichɨ vaerã Jesús jetecue re.

Marcos 16:9

Jesús icove ye ou umanocue vae reta ipɨte güi neimbove asɨ domingo ara pe. Jayave uyeechaca tenonde ete María Magdalena pe. Tenonde yave Jesús umbɨsɨrɨ siete aña reta cua cuña güi.

San Lucas 23:27

Jare yugüɨraa vi Jesús jaɨcue jeta vae. Jare jae reta ipɨte pe yugüɨraa cuña reta. Jae reta uapĩro yugüɨraa Jesús.

San Lucas 23:49

Jare opaete Jesús uicuaa vae reta jare cuña Jesús ndive Galilea güi yugüeru vae reta uyemboɨ ñugüɨnoi mbɨrɨ curusu güi. Umae ñugüɨnoi mbae uyeyapo vae re.

San Lucas 23:55

Jare cuña Jesús ndive Galilea güi yugüeru vae reta, yugüɨraa José jaɨcue jare uecha teõgüerɨru jare quirãi José oñono pɨpe Jesús jetecue vae.

San Lucas 8:30

Jare Jesús upɨrandu chupe: —¿Mbae pa nderee? —Cheree co jae jeta vae —jei. Echa'ã jeta aña reta oya jese.

San Juan 19:25

Jare uyemboɨ ñugüɨnoi Jesús icurusu iyɨpɨ pe Jesús ichɨ, jare ichɨ ipɨquɨɨ, jare María - jae co Cleofas jembireco - jare María Magdalena.

Hechos 1:14

Opaete cua reta, jare Jesús ichɨ María jare ĩru cuña reta, jare Jesús tɨvɨ reta jecuae uyerure penti ramiño.