San Lucas 1:74 - Guaraní Pe (Western): Simba

⁷⁴ Jáeramo umeeta yandeve yayeyocui vaerã chupe yaquɨye mbae reve. Echa'ã jae yanderepɨta yanderovaicho reta güi” —jei Zacarías—.

San Lucas 1:74 Iomraidhean Croise

San Lucas 1:71

Tumpa yanembɨasata yanderovaicho reta güi. Jae yanembɨasata opaete ñanemɨtarẽɨ vae reta güi.

San Lucas 1:75

“Tumpa ñaneñono teeta iyupeguarã jare yayapota jupi vae, jare jae icota yande ndive cua ɨvɨ pe yaico rambueve.

Romanos 6:22

Ẽrei añave piyapo'ã ma mbaeyoa. Piyeyocui ma Tumpa pe. Jáeramo añave piyapo icavi vae. Echa'ã perete uñeñono tee oĩ Tumpa peguarã. Jare perecove opa yave cua ɨvɨ pe, penoita tecove opa mbae vae.

Romanos 8:15

Echa'ã Tumpa umee peve iEspíritu piyeyapo vaerã Tumpa taɨ retarã. Peapo'ã co uyeyocui vae uquɨye ipatrón güi vae reta rami. Jáeramo Espíritu Santo yanemborɨ yandepuere vaerã yae: “CheRu.”

2 Timoteo 1:7

Tumpa umee yandeve Espíritu Santo ñanoi vaerã mbaepuere, jare yapuruau vaerã, jare ñañemoa vaerã, agüɨye vaerã yaquɨye mbaembae güi.

Hebreos 2:15

Cua jeco pegua Jesús ipuere yanderepɨ. Echa'ã ñanemichi güive yaquɨye mano güi. Ẽrei Jesús yandeyora ma cua quɨye güi.

Hebreos 9:14

Ẽrei Cristo jugüɨ ipuere ete jocua reta güi. Echa'ã Cristo iyoa mbae vae co. Ẽrei jae umano uñemee vaerã Tumpa pe Espíritu Santo imeño mai ico vae rupi. Jáeramo jae jugüɨ ipuere umbai mbaembae mano pegua piyapo vae. Jare picuaata uyembai ma co, pepuere vaerã piyeyocui Tumpa imeño mai ico vae pe.

Apocalipsis 2:10

Agüɨye pequɨye piporarata vae güi. Mase, aña guasu peñonocata amocue pe reta peresorɨru pe, uyecuaa vaerã pepurugüɨrovia añetete ra. Jare piporarata diez ara pegua. Jecuaeño perovia cheré, yepe tẽi aramoi pemanota pepurugüɨrovia jeco pegua. Jucuarãi yave, ameeta peve tecove opa mbae vae.