San Juan 4:9 - Guaraní Pe (Western): Simba

⁹ Jayave cuña Samaria pegua jei Jesús pe: —Nde co jae penti judío jare che co jae penti Samaria pegua. ¿Maera pa nde ndere cheve: ‘Emee tau ɨ?’ —jei. (Echa'ã judío reta uyemɨngueta'ã Samaria pegua reta ndive.)

Biblia

⁹ Jayawe kuña ipɨakañɨ jare jei chupe: “Nde ko jae judío, jare che ko jae kuña Samaria pewa. ¿Maera pa nde ndiyemɨngeta neï che ndiwe jare ndeka neï chewe ɨ?” jei chupe. Jukuärái jei kuña, echa’ä judío reta mbaetɨ etei ko uñemɨïru Samaria pewa reta ndiwe.

San Juan 4:9 Iomraidhean Croise

San Mateo 10:5

Jare ndei omondo reta mbove, Jesús oyocui cua doce reve. —Agüɨye pecua judío mbae vae reta ñugüɨnoi vae pe. Agüɨye pecua Samaritano jenta guasu reta pe —jei—.

San Lucas 10:33

Ẽrei penti Samaria pegua ou jocua tape rupi, jare ou uvãe cuimbae ipere vae oĩ vae pe. Jare Samaria pegua uecha yave, uiparareco —jei—.

San Juan 4:27

Cua jei oĩ yave, Jesús jemimboe reta yugüeru uvãe. Ipɨacañɨ Jesús uyemɨngueta oĩ cuña ndive vae re. Ẽrei penti ave jei'ã chupe: “¿Mbae pa ndipota?” ani “¿Maera pa ndiyemɨngueta jae ndive?”

San Juan 8:48

Jayave judío reta jei: —Ndoe ma nde co jae penti Samaria pegua, jare aña oya ma nderé. Añete co cua ndoe vae —jei reta.

Hechos 1:8

Ẽrei pe reta penoita Espíritu Santo imbaepuere, ou yave peve, jare pe reta chemɨmbeuta Jerusalén pe, opaete Judea rupi, Samaria rupi jare opaete ɨvɨ rupi —jei chupe reta.

Hechos 10:28

Jayave Pedro jei chupe reta: —Pe reta picuaa cavi co quirãi penti judío ipuere'ã uñemɨĩru penti judío mbae vae ndive, jare quirãi ipuere'ã opou ipɨ. Ẽrei Tumpa uechaca cheve quirãi icavi'ã aeni vaerã penti vae yepe iquɨa vae, yepe tẽi uyapo'ã mboroyocui.

Hechos 10:32

Emondo quía Jope pe, jare eruruca Simón uyembɨjee Pedro pe vae. Jae ico penti guacapi umɨpɨ̃ta vae Simón ipɨ. Simón jenta oĩ ɨ guasu jembeɨ pe. Ou yave, jae nemɨnguetata —jei cheve, jei—.