San Juan 4:53 - Guaraní Pe (Western): Simba

⁵³ Jare cunumi tu uicuaa jocua ora pe etei co Jesús jei chupe: “Nderaɨ icove catu ye ma oĩ.” Jayave upurugüɨrovia jae jare opaete jenta pegua reta.

Biblia

⁵³ Jare kunumi tu uikuaa jokua ora pe etei yepe Jesús jei chupe, “Nderaɨ ukuera yeta oï.” Jayawe jokua mburuwicha jare opaete jëta pewa reta ndiwe wɨrowia Jesús re.

San Juan 4:53 Iomraidhean Croise

San Mateo 8:13

Jayave Jesús jei sundaro reta juvicha pe: —Ndepuere ndeo. Ayapo ma ndipota ayapo vaerã vae nderovia cheré ramo —jei. Jare jocua ora pe etei sundaro reta juvicha jembiocui ucuera.

San Lucas 19:9

Jayave Jesús jei chupe: —Cua ara yembɨasa ou cua tenta pegua reta pe. Echa'ã nde vi co jae Abraham iñemoñaa reta pegua —jei—.

San Juan 4:51

Jare oo rambueve jenta cotɨ, jembiocui reta yugüeru oovãiti jare jei chupe: —Icove catu ye ma oĩ nderaɨ.

San Juan 4:52

Jayave mburuvicha upɨrandu chupe reta: —¿Mbae ora pe pa umbɨpɨ ucuera? —Caarumo una rupi jacu upɨta chugüi —jei reta chupe.

Hechos 11:14

Jae umɨmbeuta ndeve ñee, nde jare opaete nerenta pegua reta piyembɨasaca vaerã —jei chupe, jei—.

Hechos 16:15

Jare jae jare jentarã reta uyembɨbautizaca ma yave, jae jei oreve: —Perovia yave che arovia cavi yandeYa re, peyu pepɨta cherenta pe. Jare oremɨñera ndupɨta vaerã joco pe.

Hechos 16:34

Jayave peresorɨru iyandarecoa güɨraa jenta pe umɨngaru Pablo jare Silas. Jare jae jare opaete jenta pegua reta uyerovia ete. Echa'ã güɨrovia reta ma Tumpa re.

Hechos 18:8

Jare judío reta itupao pegua reta itenondegua Crispo jee vae jare opaete jenta pegua reta güɨrovia yandeYa re. Jare jeta Corinto pegua reta uyandu Pablo umɨmbeu vae yave, güɨrovia jare uyembɨbautizaca.

Hechos 2:39

Echa'ã cua Tumpa jei umeeta vae co jae pembaerã, peraɨ reta peguarã, opaete mbɨrɨ ñugüɨnoi vae reta peguarã jare opaete yandeYa Tumpa uenita vae reta peguarã —jei.