San Juan 4:10 - Guaraní Pe (Western): Simba

¹⁰ Jayave Jesús jei cuña pe: —Che jae ma ndeve: ‘Emee tau ɨ.’ Ndicuaa yave Tumpa uipota umee ndeve vae jare ndicuaa yave quía co che, ndiyerureta tẽi co cheve jare che ameeta tẽi co ndeve ɨ tecove güɨnoi vae —jei Jesús.

Biblia

¹⁰ Jayawe Jesús jei chupe: “Nde ndikuaa’ä jokua mbae Tumpa uipota umee ndewe wae. Jare ndikuaa’ä wi kía ko che ɨ aeka aï ndewe wae. Jokua ndikuaa yawe, nde ndekata tëi chewe ɨ tekowe umee wae, jare che ameeta tëi ndewe,” jei chupe.

San Juan 4:10 Iomraidhean Croise

San Lucas 11:13

Yepe tẽi pe reta jecuaeño piyapo icavi mbae vae, ẽrei pemee co mbaembae icavi vae pesambiaɨ reta pe. Jáeramo peRu ara pe oĩ vae iquɨrẽɨ ete umee Espíritu Santo uyerure chupe jese vae reta pe —jei.

San Juan 16:3

Jae reta uicuaa'ã cheRu jare checuaa'ã vi. Jáeramo jucuarãi uyapota —jei chupe reta—.

San Juan 17:3

Ime yave quía yandecuaa vae, jae güɨnoi tecove opa mbae vae. Nde co jae pentiño Tumpa añetete vae. Che co jae Jesucristo. Nde chembou —jei—.

San Juan 3:16

Echa'ã Tumpa uau ete ɨvɨ pegua reta. Jáeramo umee Taɨ jae vaeño, ipotave güɨrovia jese vae güɨnoi vaerã tecove opa mbae vae. Ndarau oo cañɨtei pe.

San Juan 4:14

Ẽrei ipotave ɨ che ameeta jou vae ndarau ye iúe —jei—. Echa'ã jocua ɨ che ameeta chupe vae uyeyapota ipɨa pe penti ɨcua ɨ oẽ vae rami. Jecuaeño umeeta chupe tecove opa mbae vae —jei.

San Juan 6:35

—Che co jae jocua tembíu tecove umeeta vae —jei Jesús—. Ipotave cheré güɨrovia vae ndarau iyembaɨ, jare ipotave cheré güɨrovia vae ndarau iúe —jei—.

San Juan 6:51

Che co jae tembíu tecove umee vae. Che agüeyɨ ayu ara güi. Ipotave cua tembíu jou vae güɨnoita tecove opa mbae vae —jei Jesús chupe reta—. Jare jocua tembíu ameeta vae cherete co. Ameeta cherete ɨvɨ pegua reta güɨnoi vaerã tecove —jei.

Hechos 9:11

Jayave yandeYa jei chupe: —Epũa ecua calle Sɨmi jee vae pe, jare eeca Judas jenta pe penti Tarso pegua. Jae jee co Saulo. Echa'ã jae uyerure oĩ —jei—.

Romanos 8:32

Tumpa ñatẽɨ'ã umee yandeve Taɨ. Echa'ã umee co, jae umano vaerã yanderé. Jáeramo Tumpa umeeta co yandeve opaete mbaembae. Echa'ã umee yandeve Taɨ.

1 Corintios 1:30

Ẽrei Tumpa etei peapo penti ramiño Cristo Jesús ndive. Echa'ã Cristo Jesús rupi Tumpa umee yandeve aracuaa. Jae ramiño vi Cristo Jesús rupi Tumpa yanembujupi jare ñaneñono tee iyupeguarã jare yanderepɨ mbaeyoa güi.

1 Corintios 10:4

Jare opaete vae jou ɨ Espíritu Santo umee chupe reta vae. Jare opaete vae jou jocua ita Espíritu pegua jae reta jupíe oo vae güi. Jare jocua ita Cristo co.

2 Corintios 9:15

Ñamee yasurupai Tumpa pe regalo jae umee yandeve vae re. Yandepuere'ã etei yaicuaa cavi cua regalo Tumpa umee yandeve vae.

Efesios 2:8

Echa'ã Tumpa yanembɨasa ipɨacavi jeco pegua, yapurugüɨrovia ramo. Yande yamɨngana'ã etei yembɨasa. Jae co Tumpa umeeiño yandeve vae.

Hebreos 6:4

Penti vae uicuaa yave Tumpa, Tumpa uicuaaca chupe vae rupi, jae uicuaa vi quirãi icavi ete mbaepuere Tumpa umee vae, jare uñemɨĩru Espíritu Santo ndive. Jae uicuaa vi Tumpa iñee icavi ete vae jare mbaepuere reta ara ndeiño ou uvãe vae reta pe Tumpa uicuaacata vae. Ẽrei cua nunga opia yave Tumpa güi, ndarau etei ipuere ye ueya iyemɨngueta icavi mbae vae ipɨa pe oĩ vae. Jae co uyuca ye Tumpa Taɨ rami, jare jucuarãi güɨrɨ̃roca ĩru vae reta pe.

1 Juan 5:20

Jae ramiño vi yaicuaa Tumpa Taɨ ou ma co cua ɨvɨ pe jare umee yandeve yaicuaa vaerã Tumpa añetete vae. Ñañemɨĩru ma Tumpa ndive. Echa'ã ñañemɨĩru ma Tumpa Taɨ Jesucristo ndive. Jae co Tumpa añetete vae. Jae umee yandeve tecove opa mbae vae.

Apocalipsis 21:6

Jare jei vi cheve: —Uyeyapo ma. Che co jae Alfa jare Omega jee vae. Che co jae tenondegua vae jare taɨcuegua vae. Ime yave quía uipota ɨ tecove opa mbae vae pegua jou vae, tamee tou jepɨ mbae reve —jei—.

Apocalipsis 22:17

Jare Espíritu Santo jare Ovecha-raɨ ndive umendata vae jei: —Eyu. Jare uyandu vae tei: —Eyu. Iúe vae ipuere ou cua pe. Ipotave vae ipuere jou ɨ tecove opa mbae vae pegua jepɨ mbae reve.

Apocalipsis 7:17

Echa'ã Ovecha-raɨ jocua guapɨa mbɨte pe oĩ vae uyandarecota jese reta jare güɨraata reta ɨcua ɨ oẽ vae tecove umee vae reta pe. Jare Tumpa oyoeta jesaɨ chugüi reta —jei.