San Juan 3:2 - Guaraní Pe (Western): Simba

² Cua cuimbae ou Jesús oĩ vae pe pɨ̃tu yave jare jei chupe: —Oporomboe vae, nduicuaa co Tumpa nembou ndeporomboe vaerã. Echa'ã mbaetɨ quía ipuere uyapo jocua nunga mɨacañɨ ndiyapo vae Tumpa oĩ'ã yave jae ndive —jei.

Biblia

² Pëti wese kua kuimbae ou Jesús oï wae pe pɨ̈tu yawe uyemɨngeta waerä jae ndiwe. Jare jei chupe: “Oporomboe wae, ore nduikuaa ko Tumpa nembou ndeporomboe waerä. Echa’ä nde ndiyapo neï mbaembae kiawe ipuere’ä uyapo wae. Erëi Tumpa nemborɨ'ä yawe, ndarau etei ndepuere ndiyapo jokua nunga mbaembae,” jei chupe.

San Juan 3:2 Iomraidhean Croise

San Mateo 22:16

Jayave jae reta omondo jemimboe reta Jesús oĩ vae pe herodiano reta ndive. Jae reta jei Jesús pe: —Oporomboe vae, nduicuaa nde ndere vae añete co. Nde ndeporomboe cavi quirãi Tumpa uipota yaico vaerã vae re. Nde nemae oyovaque opaete pãve re. Nembutuicha'ã penti ave ĩru vae güi —jei reta—.

San Mateo 23:7

Jare uipota ĩru vae reta pe uyembɨsaludaca vaerã calle reta rupi jare jei vaerã chupe reta: ‘Oporomboe vae’ —jei—.

San Mateo 23:8

Ẽrei agüɨye pipota ĩru vae reta jei vaerã peve: ‘Oporomboe vae.’ Echa'ã che co jae pomboe vae, jare opaete pe reta cherɨvɨ reta co —jei—.

Marcos 12:14

Jae reta yugüeru uvãe yave, jei Jesús pe: —Oporomboe vae, nduicuaa nde ndere vae añete co. Nde nemae oyovaque opaete pãve re. Nembutuicha'ã penti ave ĩru vae güi. Nde ndeporomboe cavi quirãi Tumpa uipota yaico vaerã vae re —jei reta—. César yandeocui yambɨepɨ vaerã chupe corepoti pe. ¿Jupi pa yambɨepɨ vaerã chupe? ani ¿jupi'ã pa? ¿Yambɨepɨta pa chupe? ani ¿yambɨepɨta'ã pa chupe? —jei reta Jesús pe.

San Juan 1:38

Jesús uyerova yave, uecha yugüeru icotɨ. —¿Mbae pa peeca? —jei chupe reta. —¿Quíape pa ndico, Rabí? —jei reta. (Rabí uipota jei: “Oporomboe vae”.)

San Juan 10:38

Ẽrei ayapo co cheRu iparavɨquɨ. Jáeramo yepe tẽi chererovia'ã, perovia mbaravɨquɨ ayapo vae cheRu pegua co, picuaa vaerã cheRu ico che ndive jare che aico cheRu ndive —jei.

San Juan 12:37

Ẽrei yepe tẽi Jesús uyapo jeta mɨacañɨ reta jae reta jovaque uicuaaca vaerã tẽi chupe reta quía co jae, ẽrei jae reta güɨrovia'ã jese,

San Juan 14:10

¿Perovia'ã pa che aico cheRu ndive jare cheRu ico che ndive vae? Ñee amɨmbeu peve vae chembaeño'ã co. Echa'ã cheRu ico che ndive, jare jae uyapo mbaravɨquɨ reta —jei Jesús—.

San Juan 15:24

Ayapo'ã yave mona ipɨte pe mbaravɨquɨ mbaetɨ quía ye uyapo vae reta, ndarau tẽi teco güɨnoi. Ẽrei jae reta cherecha ma - jae co cheRu uecha rami - jare oremɨtarẽɨ —jei—.

San Juan 2:11

Jesús cua uyapo Caná Galilea pegua pe. Cuarãi Jesús umbɨpɨ uicuaaca jemimboe reta pe jae imbaepuere tuicha ete co. Jare cua uyapo vae jeco pegua jemimboe reta güɨrovia jese.

San Juan 20:16

—¡María! —jei Jesús chupe. María uyerova ye icotɨ jare jei chupe: —Raboni. (Cua uipota jei: “Oporomboe vae”.)

San Juan 3:26

Jayave yugüeru Juan oĩ vae pe jare jei chupe: —Oporomboe vae, nde nemɨmbeu ma oreve Jordán jovaicho pe nde ndive icose vae regua. Mase, jae upurumbɨbautiza oĩ, jare opaete vae yugüɨraa ñugüɨnoi jae oĩ vae pe —jei reta Juan pe.

San Juan 4:31

Cuña oo ma yave, Jesús jemimboe reta jei chupe: —Oporomboe vae, ecaru.

San Juan 5:36

Cua mbaravɨquɨ ayapo vae reta chemɨmbeu ete Juan chemɨmbeu vae güi. CheRu uipota opa ayapo vaerã cua mbaravɨquɨ reta, jare cua ayapo vae rupi aicuaaca ĩru vae reta pe cheRu co chembou vae —jei—.

San Juan 6:2

Jare tenonde yave Jesús umbɨgüera amocue imbaerasɨ vae reta, jare jeta vae uecha ma mɨacañɨ Jesús uyapo vae reta. Jáeramo añave cua reta yugüɨraa Jesús jaɨcue.

San Juan 7:31

Jare jeta joco pe ñugüɨnoi vae güɨrovia jese. Echa'ã jei reta: —Cristo ou yave, ¿uyapota ra jeta ete mɨacañɨ cua cuimbae uyapo vae güi?

San Juan 9:16

Amocue fariseo reta jei: —Tumpa pegua'ã co cua cuimbae. Echa'ã uyapo mbutuu ara pe mboroyocui pe jei agüɨye yayapo vaerã vae. Ẽrei ĩru fariseo reta jei: —¿Quirãi ra ipuere cuimbae iyoa vae uyapo cua nunga mɨacañɨ? Jare uyeaca reta uyupii.

Hechos 2:22

Pedro jei vi chupe reta: —Cuimbae Israel pegua reta, piyapɨsaca cua re. Tumpa uyapoca pepɨte pe mɨacañɨ reta Jesús Nazaret pegua pe. Jucuarãi Tumpa uechaca peve Jesús añete vae co. Cua picuaa catu co pe reta —jei—.

Filipenses 1:14

Jare jeta yanderɨvɨ reta uñemɨatangãtu ma yandeYa cotɨ, uicuaa reta peresorɨru pe uyeyapo cheve vae ramo. Jare jae reta umɨmbeu Tumpa iñee uquɨye mbae reve.