San Juan 12:13 - Guaraní Pe (Western): Simba

¹³ Jayave uequi reta carandaɨ joquɨ yugüɨraa oovãiti vaerã Jesús. —¡Icavi co! —jei reta—. Tuyembɨadoraca yandeYa jee re ou vae. Tuyembɨadoraca Israel pegua reta juvicha guasu —jei reta.

Biblia

¹³ Jayawe jae reta ueki karandaɨ jokɨ umbɨwawa reta waerä Jesús jenonde, jare yuraa owäiti reta. Jare jei reta usapɨkai pɨi rewe: “¡Tuyembutuichaka yandeRu Tumpa jee! ¡Tumpa tuyapo ikawiete wae kua ou oï Tumpa jee re wae pe! ¡Jae ko yande Israel pewa yaiko wae reta yanemburuwicha wasurä ikota wae!” jei reta.

San Juan 12:13 Iomraidhean Croise

San Mateo 23:39

Che jae peve, ndarau ma cherecha pere regua: ‘Tuyembɨadoraca yandeYa jee re ou vae’ —jei.

San Mateo 27:42

—Jae uepɨ ĩru vae reta —jei reta—. Ẽrei ipuere'ã jae uyerepɨ. Jae co Israel pegua reta juvicha guasu yave, tugüeyɨ añave curusu güi, yarovia vaerã jese —jei reta—.

San Juan 1:49

—Nde co jae Tumpa Taɨ, Oporomboe vae —jei Natanael—. Nde co jae Israel pegua reta juvicha guasu —jei.

San Juan 12:14

Jare Jesús uvãe penti mburica taɨrusu vae, jare opo jese. Echa'ã Tumpa iñee pe uyecuatía oĩ cuarãi:

San Juan 12:15

Agüɨye pequɨye, Jerusalén pegua reta. Mase, co ou ma peruvicha guasu. Opo ou mburica taɨrusu vae re. Jucuarãi uyecuatía oĩ.

San Juan 19:15

Jayave jae reta iñeeãta reve jei: —¡Eraaca cua güi, eraaca cua güi, icutuca curusu re! Pilato upɨrandu chupe reta: —¿Aicutucata pa peruvicha guasu? Jayave sacerdote reta itenondegua reta jei: —Jaeño César oreruvicha guasu.

Apocalipsis 15:3

Jare ucanta reta Moisés Tumpa pe uyeyocui vae icanta jare Ovecha-raɨ icanta. Jei reta: —Nde ndiyapo vae oremɨpɨacañɨ ete, oreYa Tumpa. Nde nenoi opaete mbaepuere. Nde ndiyapo vae jupi co jare añete vae pegua co. Nde co jae opaete ɨvɨ pegua reta Juvicha Guasu —jei reta—.

Apocalipsis 19:16

Jare yandeYa jemimonde re jare iu re uyecuatía oĩ penti tee. Jae co cua: “Mburuvicha guasu reta Juvicha Guasu jare opaete vae iya reta iYa.”

Apocalipsis 7:9

Cua jaɨcue rupi aecha jeta ete vae opaete ɨvɨ ambɨembɨe ipɨte güi yugüeru vae reta. Mbaetɨ quía ipuere uipapa. Jae reta uyemboɨ ñugüɨnoi jocua guapɨa jare Ovecha-raɨ jovai. Jae reta jemimonde tĩ jare ipo pe güɨnoi carandaɨ joquɨ.