San Juan 11:4 - Guaraní Pe (Western): Simba

⁴ Jesús cua uicuaa yave, jei: —Cua imbaerasɨ ou chupe ĩru vae reta umbɨadora vaerã Tumpa. Ou'ã jae umano vaerã. Echa'ã che co jae Tumpa Taɨ, jare ĩru vae reta chembɨadorata cua mbaerasɨ jeco pegua —jei.

Biblia

⁴ Jesús kua uyandu yawe, jei jemimboe reta pe: “Kua mbaerasɨ mano pewa’ä ko. Oa jese jukuärái rupi ïru wae reta uecha waerä Tumpa imbaepuere jupiete ye wae, jare jae nunga wi jukuärái rupi uyembutuichaka waerä che cheree, che Tumpa Taɨrä aiko wae,” jei chupe reta.

San Juan 11:4 Iomraidhean Croise

San Juan 10:38

Ẽrei ayapo co cheRu iparavɨquɨ. Jáeramo yepe tẽi chererovia'ã, perovia mbaravɨquɨ ayapo vae cheRu pegua co, picuaa vaerã cheRu ico che ndive jare che aico cheRu ndive —jei.

San Juan 11:40

Jesús jei chupe: —Amɨmbeu ma ndeve nderovia yave ndeechata mbae ayapota ĩru vae reta umbɨadora vaerã Tumpa.

San Juan 12:28

CheRu, iyapo cheve ɨvɨ pegua reta nembɨadora vaerã —jei. Jayave ñee uyendu ara güi: —Ayapo ma mbaembae nde rupi ɨvɨ pegua reta chembɨadora vaerã, jare cuarãi ayapo yeta co.

San Juan 17:1

Cua jei ma yave, Jesús umae ara cotɨ jare jei: —CheRu, ara uvãe ma. Che co jae ndeRaɨ. Chembɨadoraca, chepuere vaerã numbɨadoraca vi —jei—.

San Juan 17:10

Opaete chembae nembae co, jare nembae chembae co. Jare che ayembɨadoraca ma jae reta jeco pegua —jei—.

San Juan 17:5

Ndei ɨvɨ uyeyapo mbove aico nde ndive yave ayembɨadoraca co. Jae ramiño vi añave chembɨadoraca ye nderovai —jei—.

San Juan 2:11

Jesús cua uyapo Caná Galilea pegua pe. Cuarãi Jesús umbɨpɨ uicuaaca jemimboe reta pe jae imbaepuere tuicha ete co. Jare cua uyapo vae jeco pegua jemimboe reta güɨrovia jese.

San Juan 5:23

Jucuarãi opaete vae chepɨuta uipɨu cheRu rami. Chepɨu'ã vae uipɨu'ã vi cheRu. Echa'ã jae co chembou —jei—.

San Juan 8:54

—Ayembutuicha'ã co —jei Jesús—. Echa'ã jucuarãi ayapo yave, jocua nunga yembutuicha mbae'ã co. Ẽrei cheRu chembutuichaca, jare pe reta pere Tumpa co jae peRu —jei—.

San Juan 9:24

Jayave judío reta ueni ye cuimbae tenonde yave jesa mbae ico vae. —Emɨmbeu cavi oreve Tumpa jovaque —jei reta chupe—. Echa'ã nduicuaa cua cuimbae iyoa vae co.

San Juan 9:3

—Jae imbaeyoa jeco pegua'ã co jare tu jare ichɨ imbaeyoa jeco pegua'ã co cuarãi oĩ —jei Jesús—. Cuarãi oĩ Tumpa imbaepuere uyecuaa vaerã ucuera yave —jei—.

Romanos 11:11

Aramoi amocue vae jei tẽi Israel pegua reta uyemɨpɨatantaca agüɨye etei vaerã Tumpa uiparareco. Jucuarãi'ã co. Ẽrei iyoa reta ramo, Tumpa omondo ñee yembɨasa pegua judío mbae vae reta pe. Jare judío mbae vae reta uyembɨasaca yave, Israel pegua reta ñacatãata jese reta jare uipotata uyembɨasaca vaerã vi.

Filipenses 1:11

Ayerure jecuaeño piyapo vaerã mbaembae icavi vae jupi vae pegua Jesucristo rupi. Echa'ã cuarãi Tumpa uyembɨadoracata.

Filipenses 1:20

Cuarãi uyeyapota che aipota ete vae. Echa'ã jecuaeño aipota aico, agüɨye vaerã chemara mbae re. Aipota aico aquɨye mbae reve, jecuaeño Cristo uyembɨadoraca vaerã cherete rupi, amano yave ani jecuaeño aico yave.

1 Pedro 1:21

Jare pe reta perovia Tumpa re Cristo jeco pegua. Echa'ã Tumpa umbɨjecove ye Cristo güeru umanocue vae reta ipɨte güi jare umbɨadoraca ma. Añave perovia ma Tumpa re, jare pepuere peãro piyerovia reve jae perepɨ ete vaerã.

1 Pedro 4:11

Uñemɨñee vae tuñemɨñee Tumpa umɨmbeu chupe mbae jei vaerã vae rami. Uyeyocui ĩru vae reta pe vae, tuyeyocui chupe reta mbaepuere Tumpa umee chupe vae pe. Jucuarãi yave, ĩru vae reta umbɨadorata Tumpa Jesucristo rupi opaete piyapo vae re. YandeYa Jesucristo tuyembɨadoraca jare tugüɨnoi opaete mbaepuere jaeño mai pegua. Amén.

1 Pedro 4:14

Ĩru vae reta jei yave icavi mbae vae pecotɨ Cristo re perovia ramo, piyerovia. Echa'ã Tumpa iEspíritu ico pepɨa pe. Jae reta jei icavi mbae vae Cristo cotɨ. Ẽrei pe reta pembɨadoraca Cristo.