San Juan 10:34 - Guaraní Pe (Western): Simba

³⁴ Jayave Jesús jei chupe reta: —Mboroyocui penoi vae pe uyecuatía oĩ quirãi Tumpa jei cuarãi: ‘Pe reta co jae tumpa reta.’ Jucuarãi jei.

Biblia

³⁴ Jayawe Jesús jei chupe reta: “Pe reta etei ime penoi Tumpa iñeerɨru, jare joko pe uyekuatía oï kuärái: ‘Che jae pe reta ko jae tumpa reta.’ Jukuärái uyekuatía oï.

San Juan 10:34 Iomraidhean Croise

San Juan 10:35

Echa'ã Tumpa iñee ou chupe reta vae pe, jae etei umbɨjee tumpa reta. Jare Tumpa iñee pe uyecuatía oĩ vae jecuaeño co añete.

San Juan 12:34

Jayave jae reta jei Jesús pe: —Mboroyocui pe uyecuatía oĩ vae umɨmbeu oreve Cristo imeñoi ico. ¿Mbae pa uipota jei jocua nde ndere vae? Echa'ã nde ndere ĩru vae reta uupita ɨvɨ güi cuimbaerã uyeyapo vae. ¿Quía pa co jae cuimbaerã uyeyapo vae? —jei reta.

San Juan 15:25

Cua uyapo reta uyeyapo vaerã mboroyocui pe uyecuatía oĩ vae. Echa'ã uyecuatía oĩ cuarãi: ‘Jae reta chemɨtarẽɨ mbaetɨ mbae icavi mbae vae ayapo chupe reta reve.’ Jucuarãi uyecuatía oĩ —jei—.

San Juan 8:17

Peporoyocui pe uyecuatía oĩ cuarãi: ‘Mocui jei vae oyovaque yave, peroviata co.’ Jucuarãi uyecuatía oĩ —jei—.

1 Corintios 14:21

Mboroyocui pe uyecuatía oĩ cuarãi: “Ayemɨnguetata cua ɨvɨ pegua reta pe ambɨe ɨvɨ pegua reta iñee pei uyemɨngueta vae rupi. Ẽrei jeseve ndarau uyapɨsaca cheré” —jei yandeYa. Jucuarãi uyecuatía oĩ.