San Juan 10:25 - Guaraní Pe (Western): Simba

²⁵ —Amɨmbeu ma peve —jei Jesús—, ẽrei perovia'ã chiñee. CheRu chembou cua mbaravɨquɨ ayapo vaerã, jare cua mbaravɨquɨ uicuaaca quía co che —jei—.

Biblia

²⁵ Jayawe Jesús jei chupe reta: “Che aikuaaka kawi ma ko pewe tëi, erëi pe reta chererowia’ä,” jei chupe reta. “CheRu jee re mbaembae ayapo wae ko uikuaaka ma pewe tëi kía ko che wae.

San Juan 10:25 Iomraidhean Croise

San Juan 10:32

Jayave Jesús jei chupe reta: —Aechaca ma peve jeta mbaravɨquɨ icavi vae. Cua ayapo cheRu imbaepuere rupi. ¿Mbae nunga mbaravɨquɨ jeco pegua pa pipota cheapi ita pe? —jei.

San Juan 10:37

Ayapo'ã yave mona cheRu iparavɨquɨ, agüɨyeta tẽi chererovia.

San Juan 10:38

Ẽrei ayapo co cheRu iparavɨquɨ. Jáeramo yepe tẽi chererovia'ã, perovia mbaravɨquɨ ayapo vae cheRu pegua co, picuaa vaerã cheRu ico che ndive jare che aico cheRu ndive —jei.

San Juan 11:47

Jayave sacerdote reta itenondegua reta jare fariseo reta umbatɨ opaete mburuvicha reta. —¿Mbae pa yayapota? —jei reta—. Cua cuimbae jecuaeño uyapo jeta mɨacañɨ reta.

San Juan 12:37

Ẽrei yepe tẽi Jesús uyapo jeta mɨacañɨ reta jae reta jovaque uicuaaca vaerã tẽi chupe reta quía co jae, ẽrei jae reta güɨrovia'ã jese,

San Juan 14:11

Perovia cua che jae peve vae: Che aico cheRu ndive, jare cheRu ico che ndive. Cua perovia'ã yave, chererovia mbaravɨquɨ ayapo vae reta jeco pegua —jei—.

San Juan 20:30

Jare Jesús uyapo jemimboe reta jovaque jeta ĩru mɨacañɨ reta uicuaaca vaerã quía co jae, yepe tẽi uyecuatia'ã oĩ cua pe.

San Juan 3:2

Cua cuimbae ou Jesús oĩ vae pe pɨ̃tu yave jare jei chupe: —Oporomboe vae, nduicuaa co Tumpa nembou ndeporomboe vaerã. Echa'ã mbaetɨ quía ipuere uyapo jocua nunga mɨacañɨ ndiyapo vae Tumpa oĩ'ã yave jae ndive —jei.

San Juan 7:31

Jare jeta joco pe ñugüɨnoi vae güɨrovia jese. Echa'ã jei reta: —Cristo ou yave, ¿uyapota ra jeta ete mɨacañɨ cua cuimbae uyapo vae güi?

San Juan 8:12

Cua jaɨcue rupi Jesús jei yatɨ vae reta pe: —Che co jae penti tembipe rami. Ayu co ɨvɨ pegua reta uecha cavi vaerã. Ico che ndive vae ndarau uguata pɨ̃tumimbi pe. Echa'ã güɨnoita tecove ipuere vaerã uecha cavi —jei.

San Juan 8:24

Amɨmbeu ma peve pemanota pembaeyoa uyembai mbae reve. Echa'ã pemanota co pembaeyoa uyembai mbae reve, perovia'ã yave che co jae vae —jei.

San Juan 8:56

Petenondegua Abraham uyerovia cherechata ramo. Cherecha co jare uyerovia —jei.

San Juan 8:58

—Añete che jae peve —jei Jesús—, ndei Abraham ico mbove, che imeño mai aico —jei.

Hechos 2:22

Pedro jei vi chupe reta: —Cuimbae Israel pegua reta, piyapɨsaca cua re. Tumpa uyapoca pepɨte pe mɨacañɨ reta Jesús Nazaret pegua pe. Jucuarãi Tumpa uechaca peve Jesús añete vae co. Cua picuaa catu co pe reta —jei—.

Hebreos 2:3

Jae ramiño vi Tumpa uyemɨngueta ma yandeve yembɨasa icavi ete yandeve vae re. Jáeramo uiporaracata yandeve vi, yayapɨsaca'ã yave jese. Echa'ã yandeYa rani imiari cua yembɨasa re, jare yaicuaa añete co uyapɨsaca jese vae reta umɨmbeu yandeve vae rupi.