San Juan 1:6 - Guaraní Pe (Western): Simba

^6-7 Ico penti cuimbae Juan jee vae. Tumpa ombou cua cuimbae umɨmbeu vaerã tembipe regua, ĩru vae reta upurugüɨrovia vaerã uyandu yave.

Biblia

^6-7 Ime iko pëti kuimbae Juan jee wae. Kua kuimbae Tumpa ombou umɨmbeu waerä opaete wae pe jokua tembipe rewa. Tumpa uyapo jukuärái opaete wae wɨrowia waerä tëi jokua tembipe re Juan iñee rupi.

San Juan 1:6 Iomraidhean Croise

San Mateo 11:10

Tumpa iñee uyecuatía oĩ jese cuarãi: ‘Mase’ —jei Tumpa—, ‘che amondota chiñee güɨraata vae nderenonde, uyapɨcatu vaerã nderaperã.’ Jucuarãi uyecuatía oĩ —jei—.

San Mateo 21:25

¿Quía pa ombou Juan upurumbɨbautiza vaerã? ¿Tumpa pa ombou? ani ¿ɨvɨ pegua reta pa ombou? —jei. Jayave jae reta jei uyupe: —Yae yave: ‘Tumpa co ombou’, jae jeita yandeve: ‘Jucuarãi yave, ¿maera pa perovia'ã?’ —jei reta uyupe—.

San Lucas 1:13

Ẽrei ángel jei chupe: —Agüɨye equɨye, Zacarías. Tumpa uyandu ma ndiyerure, jare nembireco Elisabet imembɨta ndeve cuimbae. Jare nembɨjeeta Juan —jei—.

San Lucas 1:76

Jare ĩru vae reta uyemɨngueta nderé yave, jeita: ‘Jae co penti Tumpa iñee umɨmbeu vae.’ Echa'ã nde, cheraɨ, ndeota yandeYa jenonde ndiyapɨcatu vaerã japerã.

San Juan 1:33

Che aicuaa'ã. Ẽrei chembou apurumbɨbautiza vaerã ɨ pe vae jei cheve: ‘Ndeechata Espíritu Santo ugüeyɨ ou upɨta penti cuimbae re. Jocua cuimbae upurumbɨbautizata Espíritu Santo pe’ —jei, jei Juan—.

San Juan 3:28

Che jae ma peve: ‘Che jae'ã co Cristo. Jaeño Tumpa che rani chembou chugüi.’ Pe reta etei picuaa cuarãi co che jae peve —jei chupe reta—.

Hechos 13:24

Ndei Jesús ou mbove, Juan umɨmbeu opaete Israel pegua reta pe ueya vaerã iyemɨngueta icavi mbae vae ipɨa pe oĩ vae, jare uyembɨbautizaca vaerã.