Apocalipsis 7:12 - Guaraní Pe (Western): Simba

¹² Jae reta jei: —Amén. Ñamee yasurupai tuicha ñaneTumpa pe. Jae co iyaracuaa catu vae. Jae co opaete mbaepuere güɨnoi vae. Tuyembɨadoraca jaeño mai pegua. Amén —jei reta.

Biblia

¹² Jare jei reta: “¡Jukuärái tuiko! Nde oreTumpa, numee yasurupái tuicha ndewe. Ndeñoete nenoi opaete arakuaa, mɨräta, jare mbaepuere. Jupi ko opaete wae uipɨu waerä ndewi jare umbutuicha reta waerä nderee jaeño mái pewa. ¡Jukuärái tuiko!” jei reta.

Apocalipsis 7:12 Iomraidhean Croise

San Mateo 6:13

Jare agüɨye emaeño aña guasu re uyapoca vaerã oreve mbaeyoa. Orerepɨ aña guasu güi. Echa'ã nembae co mboroyocuia. Nde nenoi opaete mbaepuere. Opaete vae nembɨadorata jaeño mai pegua. Amén.’ Jucuarãi piyerure —jei—.

Romanos 11:36

Echa'ã opaete mbaembae ou yandeYa güi. Jae uyapo opaete mbaembae iyupeguarã. YandeYa tuyembɨadoraca jaeño mai pegua. Amén.

1 Corintios 14:16

Echa'ã nde nemee yave yasurupai Tumpa pe ndeespíritu peño, ñee ndiyemɨngueta pɨpe vae uicuaa mbae vae ndarau ipuere uñemɨĩru nde ndive, yasurupai Tumpa pe nemee yave. Echa'ã uicuaa'ã mbae ndere vae.

2 Corintios 4:15

Echa'ã opaete nduiporara, orepuere vaerã pomborɨ, jare Tumpa ipɨacavi oĩ vaerã jeta vae ndive. Echa'ã jucuarãi yave, jeta vae umeeta yasurupai Tumpa pe, jare jucuarãi Tumpa uyembɨadoracata.

Colosenses 2:7

Piñemɨmɨrãta Cristo imbaepuere rupi, pecuacuaa cavi vaerã jese. Piñemɨatangãtu pepurugüɨrovia re. Echa'ã jucuarãi co piyemboe. Jecuaeño pemee yasurupai Tumpa pe pepurugüɨrovia re.

Colosenses 3:17

Jare mbae re piyemɨngueta yave jare mbae piyapo yave, piyemɨngueta jese jare piyapo opaete yandeYa Jesús jee re. Jare jecuaeño pemee yasurupai yandeRu Tumpa pe yandeYa Jesús rupi.

Apocalipsis 1:18

Che co jae jecuaeño ico vae. Amano, ẽrei, mase, añave aico jaeño mai pegua. Jare che anoi mbaepuere mano jare cañɨtei re —jei—.

Apocalipsis 19:4

Jare jocua veinticuatro tenondegua reta jare jocua irundɨ mbaembae icove vae reta uyeatɨca jare umbɨadora Tumpa iguapɨa pe uguapɨ oĩ vae. Jae reta jei: —Amén. YandeYa tuyembɨadoraca.