Apocalipsis 4:1 - Guaraní Pe (Western): Simba

¹ Cua jaɨcue rupi amae jare aecha penti onque uyepea oĩ ara pe. Jare ñee tenonde yave ayandu vae jei cheve. Penti trompeta rami iñeeãta reve jei cheve: —Iyupi cua pe jare aechacata ndeve mbaembae uyeyapota vae.

Biblia

¹ Kua jaɨkue rupi amae jare aecha pëti öke uyepea oï ara pe. Jare ayandu jokua ñee tenonde yawe ayandu wae – jae ko jokua ñee täta uyemɨngeta wae temimbɨ wasu uñee wae rami wae. Jare jei chewe: “Iyupi kua ɨwate, jare aechakata ndewe mbaembae uasata oï kuri kua jaɨkue rupi wae,” jei.

Apocalipsis 4:1 Iomraidhean Croise

San Mateo 3:16

Jare Juan umbɨbautiza ma yave, Jesús oẽ ɨ güi. Jare jupivoi uecha ara uyepea oĩ, jare uecha vi Tumpa iEspíritu ugüeyɨ jese pɨcasu rami.

Marcos 1:10

Jare Jesús oẽ ye ɨ güi yave, uecha ara uyepea oĩ, jare uecha vi Espíritu Santo ugüeyɨ jese pɨcasu rami.

San Lucas 3:21

Ẽrei ndei Juan uñeñonoca peresorɨru pe mbove, penti ara Jesús ou Juan oĩ vae pe. Jare Juan ĩru vae reta umbɨbautiza yave, umbɨbautiza vi Jesús. Jare Jesús uyerure Tumpa pe rambueve, ara uyepea.

San Juan 16:13

Ẽrei Espíritu Santo añete vae re imiarita vae ou ma yave, umɨmbeuta peve añete vae. Echa'ã ñee umɨmbeuta peve vae ndarau imbaeño. Imiarita Tumpa umɨmbeu chupe vae re, jare umɨmbeuta peve uyeyapota vae —jei—.

Hechos 10:11

Jare ique pe uecha ara uyepea jare penti nieso tuicha vae rami vae ugüeyɨ ou icotɨ. Cua uyembɨgüeyɨ uyepɨsɨ reve irundɨ jembeɨ reta pe.

Hechos 7:56

Jayave Esteban jei: —¡Mase! Aecha ara uyepea oĩ, jare aecha vi cuimbaerã uyeyapo vae uyemboɨ oĩ Tumpa iyacata cotɨ.

Apocalipsis 1:10

Espíritu Santo imbaepuere rupi añevãe domingo ara pe, jare ayandu cheraɨcue cotɨ ñee jɨapu ete vae. Jɨapu penti trompeta rami.

Apocalipsis 1:12

Jayave ayerova aecha vaerã chemɨngueta vae. Jare ayerova amae yave, aecha siete vela iguapɨca oro pegua reta.

Apocalipsis 1:19

Icuatía opaete mbaembae ndeecha vae regua jare emɨmbeu mbae re uyemɨjaanga jocua mbaembae. Jucuarãi nemɨmbeuta mbae taɨcue rupi uyeyapota vae —jei cheve—.

Apocalipsis 11:12

Jare uyendu ñee ara güi. Iñeeãta reve jei: —Piyupi cua pe. Jayave jocua mocui reve uyupi ara pe amapɨ̃tu reve. Jare jovaicho reta uecha yugüɨraa.

Apocalipsis 11:19

Jare Tumpa jo uyepea oĩ ara pe jare uyecuaa Tumpa jo pe ita reta Tumpa uicuatía mboroyocui reta jese vae jɨru. Jare uvera jare jɨapu ara. Jare ɨvɨ ucãta. Jare oa jeta amandau.

Apocalipsis 16:17

Jare ĩru ángel upɨyere copa güɨnoi vae ɨvɨtu re. Siete ma upɨyere. Jare uyendu penti ñee Tumpa jo ara pe oĩ vae güi Tumpa iguapɨa güi. Iñeeãta reve jei: —Opa ma uyeyapo.

Apocalipsis 19:11

Jare aecha ara uyepea oĩ. Jare aecha vi joco pe penti cavayu tĩ vae. Jare opo cavayu re yandeYa. Jae co jecuaeño jei vae uyapo vae. Jae co jecuaeño umɨmbeu cavi Tumpa regua vae. Jae upuruãa jupi vae rupi jare uñerãro jupi mbae vae uyapo vae reta ndive.

Apocalipsis 22:6

Jare ángel jei cheve: —Cua ñee reta añete co. Yandepuere yarovia catu. Aracae yandeYa Tumpa uicuaaca mbaembae iñee umɨmbeu vae reta pe. Echa'ã jae oñono tee reta iyupeguarã iñee umɨmbeu vaerã. Jae ramiño vi yandeYa Tumpa chembou aicuaaca vaerã jembiocui reta pe ɨmambae uyeyapota vae. Che co jae penti ángel Tumpa pe uyeyocui vae —jei—.