Apocalipsis 18:3 - Guaraní Pe (Western): Simba

³ Opaete ɨvɨ pegua reta uipota ete uyapo aguasa Babilonia pegua reta ndive, usavɨpo vae uyúe ete vino rami. Jáeramo Tumpa pochɨ chupe reta. Jare ɨvɨ pegua mburuvicha guasu reta uyapo aguasa Babilonia pegua reta ndive. Jare opaete ɨvɨ rupi umaemee vae reta icocatu ma Babilonia pegua reta jeta mbaembae jepɨ ete vae ogua ramo —jei.

Biblia

³ Tumpa uiporarakata ma oï Babilonia pe, echa’ä Babilonia pewa reta jeko kachi rupi opa urükumewa ɨwɨ pewa reta. Jae reta uyapo awasa ɨwɨ pewa reta ndiwe jare jae nunga wi imburuwicha wasu reta ndiwe. Jokua awasa ko vino rami chupe reta, jare jokua pɨpe jae reta opa usawɨpo rami ñonoï. Babilonia pewa reta jekuaeño ueka opa kërái rái mbae kachi wae. Jare opaete ɨwɨ rupi mbaembae owaka wae reta uyembɨikokatu chuwi reta jokua mbaembae kachi owaka wae rupi,” jei araɨwa.

Apocalipsis 18:3 Iomraidhean Croise

San Lucas 7:25

¿Quía re pa co peo pemae? Jae omonde'ã temimonde ipõra vae. Mase, temimonde ipõra vae omonde vae reta yugüɨreco mburuvicha guasu reta jenta pe jare icavi ete yugüɨreco —jei—.

1 Timoteo 5:11

Ẽrei agüɨye emɨĩru taɨrusu ime umano vae reta ĩru ime umano vae reta ndive. Echa'ã cua nunga uipota ye yave cuimbae, uipota'ã ma uyeyocui Cristo pe ĩru ime umano vae reta uyeyocui chupe rami. Uipotaño umenda.

Apocalipsis 14:8

Jare jocua ángel jaɨcue uveve ĩru ángel jare jei: —Jocua tenta guasu Babilonia jee vae opa ma uyembai. Jocua Babilonia pegua reta umbɨadora tumpa-raanga reta, jare uicuaaca opaete ĩru ɨvɨ pegua reta pe jucuarãi uyapo vaerã. Jáeramo Tumpa pochɨ chupe reta —jei.

Apocalipsis 17:2

Ɨvɨ pegua mburuvicha guasu reta uyapo aguasa jocua cuña ndive. Ɨvɨ pegua reta uipota ete uyapo aguasa jae ndive, usavɨpo vae uyúe ete vino rami —jei.

Apocalipsis 18:19

Jare oñonota reta ɨvɨcuii iñãca re usapɨcai reve. Jae reta ipɨatɨtɨta uyao reve jare jeita: ‘Paravete. Penti tenta guasu tuicha ete vae co tẽi. Jocua tenta guasu pegua reta ogua jeta mbaembae jepɨ ete vae. Jáeramo opaete chalana guasu iya reta umaemee vae icocatu ma. Ẽrei penti ora peño opa ma imbaembae’ —jeita reta, jei—.

Apocalipsis 18:23

Jae ramiño vi ndarau ye ma jendɨ joco pe mechero. Jae ramiño vi ndarau ye ma quía umenda joco pe. Echa'ã umaemee vae joco pe yugüɨreco vae reta uyembutuichacase ĩru vae reta pe. Ẽrei Babilonia pegua reta umbɨtavɨ opaete ɨvɨ pegua reta paye reta uyapo vae pe —jei.

Apocalipsis 18:7

Jae reta uyembɨcate ete jare ogua jeta mbaembae jepɨ ete vae. Jáeramo tuiporara ete reta jare tipɨatɨtɨ ete reta. Echa'ã jae reta jei iyupe ipɨa pe: ‘Yaico mburuvicha guasu reta yugüɨreco rami. Yaico'ã co cuña ime umano vae reta yugüɨreco rami. Ndarau etei yandepɨatɨtɨ’ —jei reta, jei—.

Apocalipsis 18:9

Jare ɨvɨ pegua mburuvicha guasu reta ipɨatɨtɨta jese jare uyaota, jatãti uecha yave. Echa'ã jae reta uyapo aguasa joco pe, jare joco pe yugüɨreco yave, uyerovia ete opaete mbaembae jepɨ ete vae re.