Apocalipsis 11:1 - Guaraní Pe (Western): Simba

¹ Jare uñemee cheve penti ɨvɨra mbaembae amɨaanga pɨpe vaerã. Jare ayandu ñee jei cheve: —Epũa ecua emɨaanga Tumpa jo jare uñemeearenda, jare ipapa Tumpa jo pe umbɨadora Tumpa vae reta.

Biblia

¹ Jare uñemee chewe pëti ɨwɨra mbaembae amɨanga pɨpe waerä. Jare ayandu ñee jei chewe kuärái: “Ekua emɨanga tupao wasu kiape cheree umbutuicha reta pɨpe wae. Jare joko pe emɨanga wi mbaerenda mbae utimbo kawi wae uyeapɨ jese wae. Jare ipapa wi mbowɨ joko pe cheree umbutuicha ñonoï wae reta,” jei.

Apocalipsis 11:1 Iomraidhean Croise

2 Corintios 6:16

Icavi'ã etei tumpa-raanga reta ñugüɨnoi vaerã Tumpa ico vae pe. Jare pe reta co jae Tumpa ico pɨpe vae rami. Echa'ã Tumpa jei cuarãi: “Aicota jare aguatata ipɨte rupi. Aicota jae reta iTumparã, jare jae reta yugüɨrecota chembaerã.” Jucuarãi jei Tumpa imeño mai ico vae.

1 Pedro 2:5

Jae ramiño vi pe reta co jae ita icove vae reta rami. Piyeyapo ma penti tenta Espíritu Santo uyapo oĩ vae rami. Tumpa peñono tee iyupeguarã. Piyeyapo ma sacerdote retarã. Echa'ã sacerdote reta Israel pegua umee Tumpa pe maemɨmba uyeyucacue reta. Jae ramiño vi pe reta piyapo Espíritu Santo uipota piyapo vaerã vae. Jucuarãi yave, pembɨyeroviata Tumpa Jesucristo rupi.

1 Pedro 2:9

Ẽrei pe reta co jae Tumpa uiparavo vae reta. Pe reta piyeyocui Tumpa pe iporoyocuia pe. Tumpa peñono tee iyupeguarã pico vaerã jae imbaerã. Jucuarãi Tumpa uyapo pe reta pemɨmbeu vaerã ĩru vae reta pe quirãi Tumpa ipɨacavi co jare quirãi jae peparavo pico vaerã jae jembipe icavi ete vae pe, agüɨye vaerã pico pɨ̃tumimbi pe.

Apocalipsis 10:11

Jayave ángel jei cheve: —Nemɨmbeu yeta co Tumpa iñee jeta ete vae ɨvɨ ambɨembɨe pegua pe jare mburuvicha guasu reta pe.

Apocalipsis 21:15

Jare imiari cheve vae güɨnoi penti ɨvɨra oro pegua umɨaanga vaerã tenta guasu jare jonque reta jare uñequẽse vae.