1 Juan 2:8 - Guaraní Pe (Western): Simba

⁸ Ẽrei cua mboroyocui mburuau regua jecuaeño ipɨau. Jesucristo yanderau jare pe reta piyerau vi. Echa'ã pɨ̃tumimbi uasa ma jare tembipe añetete vae jembipe oĩ.

Biblia

⁸ Erëi yepe tëi kua Tumpa jei wae ɨma ma yaikuaa, jesewe imeño ipɨau oï wae echa. Echa’ä Cristo jei pɨau ye ma yandewe yayerau päwe waerä jae yanderau wae rami. Jare jukuärái pe reta añawe piyapo peï. Jáeramo pereko kachi opa ukañɨ oo oï jare pereko kawi uyekuaa oo oï. Jokua ko pɨ̈tumimbi ukañɨ oo oï rami jare tembipe uyekuaa oo oï rami.

1 Juan 2:8 Iomraidhean Croise

San Mateo 4:16

Pɨ̃tumimbi pe yugüɨreco vae reta uecha ma tembipe tuicha vae. Mano iguarasɨ̃a pe yugüɨreco vae reta pe uyecuaa tembipe.” Jucuarãi jei.

San Lucas 1:79

Jae yanemborɨta guarasɨ jembipe yanemborɨ rami. Echa'ã guarasɨ umee yandeve tembipe agüɨye vaerã yaico pɨ̃tumimbi pe. Jae yanemborɨta agüɨye vaerã yaquɨye mano güi. Jae yanemborɨta yaico vaerã yandepɨacatu reve” —jei Zacarías.

San Juan 1:9

Tembipe etei ou ma cua ɨvɨ pe. Jae uyecuaa opaete vae pe.

San Juan 12:35

—Tembipe imeño ico pe reta ndive —jei Jesús—. Ẽrei ndarau ɨma upɨta pe reta ndive. Peguata tembipe ico pe reta ndive rambueve, agüɨye vaerã pɨ̃tu peve. Echa'ã pɨ̃tumimbi pe uguata vae uicuaa'ã quetɨ oo —jei—.

San Juan 12:46

Ayu ɨvɨ pe amee vaerã tembipe ɨvɨ pegua reta pe, agüɨye vaerã cheré güɨrovia vae upɨta pɨ̃tumimbi pe —jei—.

San Juan 13:34

Amee peve penti mboroyocui ipɨau vae. Piyerau. Piyerau che puau rami —jei Jesús chupe reta—.

San Juan 8:12

Cua jaɨcue rupi Jesús jei yatɨ vae reta pe: —Che co jae penti tembipe rami. Ayu co ɨvɨ pegua reta uecha cavi vaerã. Ico che ndive vae ndarau uguata pɨ̃tumimbi pe. Echa'ã güɨnoita tecove ipuere vaerã uecha cavi —jei.

Hechos 17:30

Aracae ɨvɨ pegua reta uicuaa'ã ramo, Tumpa umaeño jese reta. Ẽrei añave jae oyocui opaete ɨvɨ pegua reta ueya vaerã iyemɨngueta icavi mbae vae ipɨa pe oĩ vae —jei chupe reta—.

Hechos 26:18

nemɨmae reta vaerã, jare uyerova reta vaerã pɨ̃tumimbi güi tembipe cotɨ, jare Satanás güi Tumpa cotɨ. Cua uyapo reta yave, Tumpa umbɨasata chupe reta imbaeyoa reta cheré güɨrovia ramo, jare umeeta chupe reta imbaerã ĩru uñeñono tee Tumpa peguarã vae reta ndive’ —jei, jei—.

Romanos 13:12

Yamɨjaanga pɨ̃tu mbaeyoa re. Cõe seri ma. Jáeramo agüɨye ma yayapo pɨ̃tumimbi pe uyeyapo vae. Yayapo tembipe oĩ yave uyeyapo vae. Jucuarãi yandepuereta ñañerãro mbaeyoa ndive.

2 Corintios 8:9

Picuaa cavi co quirãi yandeYa Jesucristo uicuaaca ipɨacavi. Echa'ã yepe tẽi jae icocatu ete, ẽrei uyembɨparavete yanderau ramo, yande yaicocatu vaerã Tumpa cotɨ.

Efesios 5:8

Echa'ã tenonde yave pe reta picose yugüɨreco pɨ̃tumimbi pe vae reta rami. Ẽrei añave pico tembipe yandeYa umee peve vae pe. Jecuaeño pico yugüɨreco tembipe pe vae reta rami.

2 Timoteo 1:10

Cristo Jesús ou cua ɨvɨ pe yanembɨasa vaerã. Jocua rupi Tumpa añave uicuaaca yandeve ipɨacavi. Echa'ã Cristo Jesús umbai mano imbaepuere, jare uicuaaca quirãi yandepuere ñanoi tecove opa mbae vae. Jare cua yamɨmbeu ñee icavi vae rupi.

1 Pedro 1:21

Jare pe reta perovia Tumpa re Cristo jeco pegua. Echa'ã Tumpa umbɨjecove ye Cristo güeru umanocue vae reta ipɨte güi jare umbɨadoraca ma. Añave perovia ma Tumpa re, jare pepuere peãro piyerovia reve jae perepɨ ete vaerã.

1 Juan 3:23

Jare Tumpa jei yandeve yarovia vaerã Taɨ Jesucristo jee re jare yayerau vaerã. Jae co mboroyocui Tumpa umɨmbeu yandeve vae.

1 Juan 4:11

Cherɨvɨ reta, Tumpa yanderau ete. Jáeramo jae uipota yayerau vaerã.

1 Juan 4:21

Jare Tumpa umɨmbeu ma yandeve cua mboroyocui: “Uau Tumpa vae tuau vi ĩru upurugüɨrovia vae.”