Madiu 1:23 - Buki Kimaasabaina

²³ ‘Kunōve! Woiyai geya ana kanaotamo bei ikéuwama, niga natuna koroto bei ivenatuni. Go yoina bei sivayou Imanuweli.’ Aiseya 7:14 Youyana ana kaigavila moe Yaubada kita taiyao.

Madiu 1:23 Iomraidhean Croise

Madiu 1:24

E tuwo Iyosepa masisi goi itaoya, kaga Yauwe ina aneroseyana bogina ilaatuwoko nakae iguinuwe. Tuwo vavinayana ikabi monena

Madiu 28:20

Lovina liliuna bogina avinimi kovatulukōidi sikabikaonedi. Go konōve. Yau komi taiyao tuta liliuna, ame tuta go, nakae tuta ana kaba lukavava.’

Luke 20:44

Tauna Devida igimibíbina namlieta Guyau go, Devidayana Guyau ikatoomoyae ae? Tauna tayagoi Guyauyana moe Devida tubuna go, tuwaina, Tauyana Tomoya, e Devida itobusave!’

Iyoni 1:14

Livalayana imalasakava, e yaima goi ikaaiyaka. Tauyana yaina goi Yaubada ina togaga ana sivakayaodei.

Guinuwa 18:9

E Paulo ikaaiyaka go, sabamgo tayamo nukotona goi . Ina kalayausayana goi Tomoya isowóduwo, tauyana ilatuwoko idigo kana, ‘Paulo, taabu kuumatōita, go sem nava kubobōbwara unana yau guna bodao badabadaidi ame asayana goi sikaaiyaka. Tauna geya vatau tayaamo itoboine iyogedegedem unana yau akaaiyaka yaim. Tauna taabu kuutugāu, go sem nava Vala Dedevina kutaalavāite.’

Roma 8:31

E tauna manakaeda ame dogoiyadi manudi? Ame nakae: Yaubada ipaaisewa ada dedevina manuna, tauna avatau itoboine bei itogagasaveda? Geya!

Roma 9:5

Tubumao koroto gagaidi maniyedi nakae maa yoidi. Tauyadi yaidi sakava ana dadava goi Guyau isowóduwo ima. Yaubada, Tauyana kaga liliuna itobuukukuidi, aba yapali vata! E nakae!

2 Korinta 5:19

Moe nakae Yaubada Guyau ina guinuwa goi da poyapoya ikabivekoveekomneida toinina umana, ida kapipilova geya ituuyouyoidita go, inumisema abivekovekomna valena katalavaite.

1 Timoti 3:16

Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae: Tauyana bogina imalasakava. ikamoitamoe Tauyana kiboobosina. sigite. Valena asa liliudi goi ina sitalavaite. Da poyapoya sinumise. Tauyana ituko ina Yaubada ana tomoeeyalina goi.

2 Timoti 4:17

E kina go ida Tomoyayana iitaoya yau taiyao, ikitogagegu bego Vala Dedevina atalavaitesave, e tobuna goi iyavegu.

2 Timoti 4:22

Ida Tomoya kom balomaim taiyao! Anuwóiya bei ivinim! Yau Paulo