Luke 8:8 - Buki Kimaasabaina

⁸ Go kutukutuyadi maniyedi sisou poyapoya dedevina goi sitabo, sibíbina, sikéuwo go, kutukutuyadi tamo tamo yaidi goi andedi (100) sibabane.’ Moe livalayadi ibooboredi go, iduduwo idigo kana, ‘Avatauwa komi neta ma taaiyami, e guna livala konoovedōko!’

Luke 8:8 Iomraidhean Croise

Aba Vatowo 26:12

E Yauwe Aisake ikaipakuye. Amo asayana goi Aisake ibágula go, niga dibayoya ana tuta goi ina dibayoya gagaina toina ibabane.

Madiu 11:15

Avatauwa komi neta ma taaiyami, guna livala konoovedōko.

Madiu 13:23

E tomota maniyedi amo poyapoyayana dedevina nakae tutayana kutukutu sisou sitabo. Ame tauyadi moitamo Yaubada ina kalibúbuna valena sinove, siyagoi be nakae keuwoidi dedevidi sikeeuwoedi; maniyena andedi (100), maniyena siksti (60), maniyena teti (30).’

Maki 4:20

Tomota maniyedi amo poyapoyayana dedevina nakae tutayana kutukutu sisou sitabo. Ame tauyadi Yaubada ina livala sinove, e siuyaone be nakae keuwoidi dedevidi sikeeuwoedi; maniyena teti (30), maniyena siksti (60), maniyena andedi (100).’

Maki 4:23

Avatauwa komi neta ma taaiyami, e guna livala konoovedōko.’

Maki 4:8

Go kutukutuyadi maniyedi sisou poyapoya dedevina goi sitabo, sibíbina, sikéuwo gagaina. Kutukutu badabadaiidi! Niga dibayoya ana tuta maniyena teti (30), maniyena siksti (60), maniyena andedi (100).’

Maki 7:16

Avatauwa komi neta ma taaiyami, guna livala konoovedōko!]’

Luke 14:35

Geya basabasainamo bego poyapoya ikitogage o mosamosa taiyao tapopoli poyapoya ana togaga manuna. Tuwo kolaveyāmo moetala goi kokalāve. Avatauwa komi neta ma taaiyami, e guna livala konoovedōko.’

Luke 8:15

E kidi go kutukutuyadi poyapoya dedevina goi sisou sitabo, moe nakae tomota maniyedi neta ma katedi dedevidi Yaubada ina livala sinovedoko, siyoisikavate be madi meesayágana sikeuwo dókana.’

Luke 8:7

Go kutukutuyadi maniyedi sisou taliboibo goi, e taiyao sitabo, sibíbina go, taliboiboyadi sididimatedi.

Epeso 2:10

Moitamo. Kita Yaubada ina madágina go, ida spwagógana Guyau Yeisu taiyao pasina iyolimeda guinuwa dedevidi adi guinuwa manudi. Guinuwayadi boi mainao Yaubada igimilovina bego kita ina bodao taguinuwedi.

Kolose 1:10

Latuwoma ivakayaodeimi bego koketoiya dókana nakae kita ida Tomoya ina bodao itoboineda, e bei yawoimi madabokina goi Yaubada kovauuyaone. Koketoiya dōkana ame nakae: Imi guinuwa dedevidi madabokina goi kookēuwo, imi nanamsa Tauyana manuna ibíbina,

Nuwogau 13:9

Avatauwa komi neta ma taaiyami, e livala ame konoovedōko:

Nuwogau 2:11

Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokōidi! Avatauwa komi neta kootogaga, ámasa aiyuwoina geya itoboineyeta iyogedegedemi.”’

Nuwogau 2:7

Avatauwa komi neta ma taaiyami, e ina livala Tomoya ana totugugunayao yaidi konoveedokōidi! Avatauwa komi neta kootogaga, bei atagonemi yawana vata alovaina keuwoina Yaubada ina dadava dedevina goi ikaaiyaka kokani.”’

Nuwogau 3:13

Avatauwa komi neta ma taaiyami, Baloma Kimaasabaina ina livala Tomoya ana totugugunayao yaidi konoveedokōidi!”’

Nuwogau 3:6

Avatauwa komi neta ma taaiyami, e ina livala Tomoya ana totugugunayao yaidi konoveedokōidi!”’