Luke 8:44 - Buki Kimaasabaina

⁴⁴ Tuwo ivalabelabena Yeisu mlina goi ibisibala ana kwama kikina ibisikone. Ibisikone, ikaikainayana ina dau mainao isayata.

Luke 8:44 Iomraidhean Croise

Tateta 15:26

idigo kana, ‘Yau Yauwe imi Yaubada, ami tokidedevina. Tauna neta konovedokoigu go, kaga dedevina matagu goi koguinuwe be nakae guna lovina konovedi be guna katukeda liliudi kokabikaonedi, e vísiya liliudi boi da Itipita aavinidi geya avinimita.’

Madiu 20:34

E tuwo Yeisu mana nuwokapisi ibisibala adi taiyuwokova matadi ibisikonedi go, mainao sigita dókana, e sitaoya sivatowo Yeisu sisabokuliye.

Madiu 8:3

Tuwo Yeisu nimana iyosale, toleperoyana ibisikone idigo kana, ‘Guna nuwonúwana nakae. Kumavāda!’ Tuwo mainao korotoyana sakavaina ina lepero ikavava, e sakavainayana imavada.

Madiu 9:20

Kanonoina go, tayamo vavina ima. Vavinayana tala yawou aiyuwo goi ikaikaina idaudau go, nava idaudau. E tauyana ivalabelabena Yeisu mlina goi ibisibala ana kwama kikina ibisikone.

Maki 6:56

Neta Tauyana asa giyaidi o gagaidi goi isiu, tomota liliudi idi tokatowanayao sikabidi simedi aba maketi goi siyatoidi go, sikawanoi makimaki Tauyana yaina kadi, ‘Kutagonema am kwama kikina kaka kabisikone?’ Tuwo moitamo itagonedi go, avatauwa neta sibiisikone, e siboboina.

Luke 13:13

Tuwo nimana iyatoidi vavinayana goi, e mainao itaoya dókana go, Yaubada ina togaga ana ikamoitamoe.

Luke 7:38

ima Yeisu mlina goi go, aena kikina itaoya, itaitáiya. Itaitáiya go, mataiuna sitakapusi Yeisu aena ivakanapoivedi. Tuwo kununa ivaligei isakululu Yeisu aenayadi iseekukudi namlieta iyowoiidi. Ikavava, ina putumayana ikabi, Yeisu aena ikatukoisidi.

Luke 8:43

Ago bodayadi yaidi goi vavina tayamo ikaaiyaka. Vavinayana tala yawou aiyuwo goi ikaikaina idaudau go, nava idaudau. Ina doketa vaita manuna, e yaidi goi ina mani madabokina ilukavave go, geya kada tayaamo itoboine ikidedevine geya.

Luke 8:45

Ago kina Yeisu idigo kana, ‘Avatau ibisikonegu?’ E boda liliudi silawoiwoi go, idigo kana, ‘Tomoya, boda sitaoyaakobum be sivatuvagivaagigim go!’

Iyoni 5:13

E kina go korotoyana bogina idedevina geya iyagoiyeta ana tokidedevina yoina manakoyoina. Boda gagaina sikaaiyaka, e bodayadi sinaedi goi Yeisu bogina ivasulaigi.

Guinuwa 19:12

tauna tomota sima tauyana ina dabayogigi be ina kaba sekuku neta sakavaina sibiisikone sikabidi sinavedi tokatowanayao goi siyatoidi, e adi katówana goi sitaligeidi! Aiyuwoina tomota sinaedi goi sisowóduwo sisiya.

Guinuwa 5:15

Tauna vamoleyanayao idi guinuwa badabadaidi pasidi tomota sediyao madi vísiya idi liyaliyaka goi sikavaledi simedi enao goi siyatoidi bego Pita ina ketoiya goi nakona nugonina ibisikonedi ikidedevinedi.