Luke 8:25 - Buki Kimaasabaina

²⁵ E Yeisu ilatuwokoidi idigo kana, ‘Imi numisa nako?’ E kidi madi matoita sikainaopa taudiva sibobóbwara kadi, ‘Iyaa! Ame ava koroto? Yágira be nakae aivaya ilovinaedi niyana sikabiikaone?’

Luke 8:25 Iomraidhean Croise

Madiu 14:31

E kina Yeisuyana mainao nimana ibisisobu, tauyana iyoisi idigo kana, ‘Kom to moitamo geya kunumisedokoiguta ae? Kaga unana kunanayuwo?’

Madiu 17:20

E Yeisu kana, ‘Unana geya konumisadokoneta. U, moe pasina go, ame alatuuwokoimi konōve: Neta imi numisa beno kutukutuna nakiyana, itoboinemi ame koyayana kolatuwoko kami, “Kubāla kūna amoko goi”, bei ibala ina amoko goi. Aiyuwoina neta imi numisa beno kutukutunayana nakiyana, e geya kada tayaamo kaga bei imoumou yaimi. [

Madiu 6:30

E náuna dogoi giyaidi. Ame sididi go, itomo tomota silabudi sigabudi. Naunayadi dogoi giyaidi go, Yaubada ivaapasedi ae? Tauna neta naunayadi ivaapasedi, manakae? Komi kónana gagaimi, ami kwama bei ivinimi gea geya? Bei ivinimi! Komi to moitamo geya konumisedokoiguta ae?

Madiu 8:10

E ina livalayana Yeisu inove, ikainaopa. Tuwo tauyadi sisabookuliye ilatuwokoidi idigo kana, ‘Iyaa! Ame tauyana moitamo! Ame alatuuwokoimi konōve: nakae.

Madiu 8:26

Go kina ibowoidi idigo kana, ‘Kaga komatoitae? Komi geya konumisedokoiguta!’ E tuwo itaoya, e yágira be aivaya ilovinaedi sisayata. Sisayata, e yagirayana ilakapuwe nakae Bwaeyana ikadaúmwara gagaina.

Maki 4:35

E amo maliyalinayana goi asa bogina ikalavilavi go, Yeisu ina bóbwara ilukavave. Ilukavave, Tauyana oga goi ikaaiyaka ina tovatotowanayao ilatuwokoidi idigo kana, ‘Kōma kosowōya, Galili Bwaena tayaodamāne tāna ta dadava.’

Luke 12:28

E náuna dogoi giyaidi. Ame sididi go, itomo tomota silabudi sigabudi. Naunayadi dogoi giyaidi go, Yaubada ivaapasedi ae? Tauna neta naunayadi ivaapasedi, manakae? Komi nakae kónana gagaimi, ami kwama bei ivinimi gea geya? Bei ivinimi! Komi to moitamo geya konumisedokoiguta ae?

Luke 8:24

E tauyadi sima Yeisu siwoini sidigo kadi, ‘Tomooya, tomooya, giyakainava bei tavailai!’ E tuwo itaoya, yágira be aivaya gagaidi ilovinaedi sisayata. Sisayata, e yagirayana ilakapuwe nakae Bwaeyana ikadaúmwara.

Luke 8:26

Moe ikavava, Yeisu kidi Galili Bwaena bogina siyaodamane go, sina da Gerasine idi kaolao goi sivaiu. Moe asayana Galili disitiriki ikaonako.

Iyoni 11:40

Go iya Yeisuyana idigo kana, ‘Manakae? Kaga bogina alatuuwokoim kunuwoilave? Neta kunumisegu, Yaubada ina togaga ana káeyana ana vagitákwana bei kugite!’