Luke 7:47 - Buki Kimaasabaina

⁴⁷ Moe pasina ame alatuuwokoim kunōve: Ame vavinayana ina goyo badabadaidi, e adi nuwotao bogina ibabanedi. Moe tayagoi moitamo unana imatakoiyegu gagaina. Ago avatauwa neta idi goyo adi nuwotao giyaina, e nakae kidi simatakoiyegu giyaina.’

Luke 7:47 Iomraidhean Croise

Madiu 10:37

Avatauwa neta idi matakoi tamadiyao o sinadiyao o natudiyao yaidi ivakaigaga namlieta yau yaigu, geya itoboinedita bego yau guna bodao.

Luke 7:39

E kina Parisiyana ikandobala, vavinayana ina guinuwa igite, nukotona goi inuwonúwana kana, ‘Mmm masa koroto amo Yaubada ina tokabivalavala tayamo. Vavina amo itagone ibiisikone. Neta Tauyana moitamo tokabivalavala, bei iyagoi vavinayana toogoyoina tayamo, e tauna itoboine bei ivalilive.’

Luke 7:46

Dabagu goi pútuma besobeso geya kusiwoiyeta. E kina go vavinayana ina pútuma ana maisa gagaina ime aegu goi isiwoi ikatukoisidi.

Luke 7:48

E tuwo Yeisu vavinayana ilatuwoko idigo kana, ‘Vavina, yau adigo im goyo ana nuwotao bogina kubabane.’

Guinuwa 5:31

Ame Tauyana kina Yaubada ikilagasi tutayana ikailagasi wowoina basekoina kakataina goi itusobu go, ivayoko Yáwana ana Tokaimatana be nakae Toyava, e bei kita Isileli tubunao itoboineda tatugavila go, Yaubada ida goyoyadi inuwotaoidi.

Roma 5:20

E Yaubada ina Katukedayana ima bego apipilova isáila. Go nako goi goyo isáila, e Yaubada ina kanuwóiya isáila gagaina toina

2 Korinta 5:14

Moe itoboine. Ima poisoganayana unana ikalimonema. Ina matakoiyana manuna ame bogina kakinane: Bego koroto tayamo ikámasa tomota liliuda manuda, kita ada katumapu, tauna ana kaigigita madabokida takámasa.

Galetiya 5:6

U moe moitamo. Avatau neta ispwagógana Guyau goi ikéuwo.

Epeso 6:24

Yaubada ina kanuwóiya komi madabokimi ida Tomoya Yeisu Guyau komatakoiyevatae yaimi. Yau Paulo

Pilipai 1:9

Guna kawanoiyana Yaubada yaina moe ame nakae: Bego imi tuwaina ibíbina gagaina nanamsa be dovatusi liliuna goi,

1 Timoti 1:14

E ida Tomoya ina kanuwóiya ilausiwosiwo yau yaigu, e numisa be matakoi ababanedi guna Guyau Yeisu taiyao pasina.

1 Iyoni 1:7

Neta kita mavada goi taaketoiya nakae Yaubada mavada goi ikaaiyaka, e kita taiyao takabivekoveko be nakae Natuna Yeisu ikaikaina goi ida goyoinao madabokidi bolotodi yaidi isayoyoida.

1 Iyoni 3:18

Natugowo, geya bóbwara kaka sopada goi tamaatakoi, go sem ame nakae: Ida guinuwa goi be nakae Yaubada ana yaida goi tamaatakōi.

1 Iyoni 4:19

Yaubada igimimatakoiyeda, tauna kita tamaatakoi.

1 Iyoni 5:3

Moitamo. Yaubada ana yaida goi tagite ame nakae: Neta ina lovina takabikaaonedi. Go ina lovinayadi geya moudimo, go sem sikakapu, tauna itoboineda taguuinuwedi.