Luke 7:41 - Buki Kimaasabaina

⁴¹ Tuwo Yeisu ilivalakaibala idigo kana, ‘Koroto adi taiyuwo madi rowaga toesaesa tayamo yaina. Tayamo ana rowaga ainima andedi (500) go, tayamo ana rowaga moe siriba pipti (50).

Luke 7:41 Iomraidhean Croise

Madiu 18:28

E amo pakoninayana isowóduwo ina go, ina tosavaiyuwo tayamo ibabane. Tosavaiyuwoyana ina rowaga paakonina yaina moe tupwana, nakae tayamo andedi (100). E ina tosavaiyuwo ibabane, nukotona iyoisi, imelu go, idigo kana, “Im rowaga yau yaigu ame tuta kuyotūli!”

Madiu 6:12

Ima goyo neta kunuwotaōidi nakae kai semao idi goyo yaima kanuwotaoidi.

Maki 6:37

Go kina idigo kana, ‘Komi kovakanīdi.’ Go kidi sidigo kadi, ‘Manakaema? Manakae kana boda ame go, giyaina kaeda avadi kagimona? boda ame manuna moe ana maisa ivakaigaga nakae tukówana ainima aito ima paisewa ana maisa! Kai geya itoboinemeta kavakanidi.’

Luke 11:4

Ima goyo neta kunuwotaōidi. Kai nakae tomota idi goyo liliudi yaima goi kanuwootaoidi. Neta taabu kutaagonēma bei vakakona goi kaakapusi.”’

Luke 12:48

Ego avatauwa neta tomoya ina nuwonúwana geya siyagoiyeta go, idi guinuwa pasina itoboine dábina sibabane, e adi dabinayana giyaina bei sibabane. E nakae avatauwa neta adi kaiguyau gagaina Yaubada ivinidi, latuwona aiguyauyana siepaisewedoko Tauyana manuna. Avatauwa neta adi kaiguyau gagaina toina goi Yaubada inumisedi, e latuwona adi kaiguyauyana siepaisewedoko gagaina toina.’

Luke 13:4

Aiyuwoina tomota eitin (18) boi Siloam Yerusalema sinaena goi sikaaiyaka go, vada maanawena isou ikaumatedi. Manakae? Konuwonúwana bego kidi idi goyo ivakaigaga Yaubada matana goi namlieta kidi Yerusalema ana tokaiyakoyao madabokidi, tauna moe nakae eitiniyadi (18) sivailai ae?

Luke 7:40

Go kina Yeisuyana idigo kana, ‘Saimoni, latuwogu tamo dogoi alatuwokoim.’ ‘Tovatulúkwana, kubōbwara’, Saimoniyana kaena.

Luke 7:47

Moe pasina ame alatuuwokoim kunōve: Ame vavinayana ina goyo badabadaidi, e adi nuwotao bogina ibabanedi. Moe tayagoi moitamo unana imatakoiyegu gagaina. Ago avatauwa neta idi goyo adi nuwotao giyaina, e nakae kidi simatakoiyegu giyaina.’

Roma 3:23

Madabokiida, Diyuu be Totuyoyowo, bogina tagoyo, e Yaubada ana tomoeeyalina tapoikiki bego yaida goi itakanukanunu go, geya itoboinedeta.

Roma 5:20

E Yaubada ina Katukedayana ima bego apipilova isáila. Go nako goi goyo isáila, e Yaubada ina kanuwóiya isáila gagaina toina