Luke 6:44 - Buki Kimaasabaina

⁴⁴ Alova tamo tamo toinidi keuwoidi goi takinanedi. Geya itoboinedeta goitagoita goi keukeu taguwe o taliboibo goi kilekile taguwe ae?

Luke 6:44 Iomraidhean Croise

Madiu 12:33

Komi kodovatusidokōigu. Neta alova tayamo dedevina, e keuwoina nakae dedevina. Neta alova tayamo igoyo, e keuwoina nakae igoyo. Moitamo. Alova keuwoidi goi takinanedi, nakona dedevidi o sigoyo. Tauna yau nakonakae?

Madiu 7:16

Tauyadi keuwoidi goi bei kokinanedi. Manakae? Itoboinemi taliboibo goi kilekile koguwe? O goitagoita goi keukeu koguwe? Geya ae?

Madiu 7:20

Tauna tauyadi keuwoidi goi itoboinemi kokinanedi nakae alova keuwoidi goi takinanedi.

Yemesa 3:12

Segowo, manakae? Keukeu itoboine ikéuwo búyala itoboine ikéuwo mogolu? Geya ae? E nakae bwae be négwasa sákala tayamo goi geya itoboinedita taiyao sidau. Tauna aipaku be atubolata nakae geya itoboinedita sopada goi siituyuwo.

Yuda 1:12

Amo tokapipilovayadi imi kabivekoveko aikanina goi sisiu sikáika komi taiyao go, geya idi wowoinamo Yeisu manuna, go sem sikaikapopóita. Aiyuwoina aikayana goi tauyadi lai poiina nakae. Laiyana geya tagiteyeta, e oga isaiko bogina igoyo, tauna ami dodōkana, govila bei tauyadi pasidi imi numisa itomava. Tauyadi bego Yaubada ana totugugunayao adi tomatakavatayao go, toinidi simatakavatedimo. E amo tauyadi adi kaigigita nakae losiye goi bou ilabakóluma go, kúwana geya, go sem yágira iyawoisavedimo. Kidi nakae. Sidigodigo bego idi vatulúkwana dedevina go, geya tayaamo kaga dedevina yaidi goi iisowóduwo. E adi kaigigita alova adi tuta kéuwo nakae go, geya keuwoidimo, tuwo silabudi, sigabudi, tauna sikámasa toina. Tauna amo tokapipilovayadi nakae. Tagitedi kada, ‘Dedevidi’ go, yaidi goi geya kada tayaamo keuwoina dedevina isowóduwo geya.