Luke 6:22 - Buki Kimaasabaina

²² Tutayana tomota sikaolilivemi be sitavileiyemi be sikaogoyoemi be yoimi sitagiwoidi imi numisa Tomalatomota yaina pasina, e komi ami dedevina bogina koobabane.

Luke 6:22 Iomraidhean Croise

Madiu 10:18

Go maniyemi bei sinavemi adi gavanayao be adi tolovinayao matadi goi siekotuyemi imi numisa yau yaigu pasina, bei tauyadi yaidi be nakae Totuyoyowo yaidi kotalavaite.

Madiu 10:22

Tomota liliudi bei sikaolilivemi unana yau yoigu ikaaiyaka yaimi. Go avatauwa neta sitaoyakavata ana kadókana tuta ana kaba lukavava goi, e adi yava bei sibabane.

Madiu 10:39

Avatauwa neta sipoikiki bego yawoidi sibabane, e nava yawoidi vata bei sitagau. Go avatauwa neta yau pasigu yawoidi sitagau, e nava yawoidi vau bei sibabane.

Luke 20:15

Tuwo moitamo tauyana ima kikidi, e siyoisi silave ina takiki goi sikaumate. Tauna tomoyayana, moe toni tánuwo, bei kaga iguinuwe tokatogu yaidi goi?

Luke 21:17

Tomota liliudi bei sikaolilivemi yau yoigu ikaaiyaka yaimi pasina go,

Luke 6:21

Avatauwa komi neta ame tuta kookaloga, e nava bei Yaubada ivakayaodeimi, tauna ami dedevina bogina koobabane. Avatauwa komi neta ame tuta kotaitáiya, e nava bei kovanama, tauna ami dedevina bogina koobabane.

Iyoni 12:42

E nakona boda maniyedi geya sinumiseta go, tuwo Diyuu adi tolovinayao badabadaaidi nakae Yeisu sinumise go, Parisi pasidi geya sitalavaiteta bego sinumise, govila bei idi kaba tugúguna goi sivatapiyedi go, sisanabodedi taabu sisiusīu.

Iyoni 16:2

Imi kaba tugúguna goi bei sivatapiyemi kosiya. Go geya vatapiya kaka geya, go sem tuta tamo imamaima be maniyemi sikaumatemi go, idi nuwonúwana bego idi guinuwayana moe idi vininabeso sikasale Yaubada yaina.

Iyoni 17:14

Im livala yau bogina avinidi, e sinumise, tauna kidi da poyapoya sikaolilivedi unana tauyadi geya siebodeta tayamo da poyapoya yaidi goi nakae yau geya aebodeta tayamo yaidi goi. Tauna da poyapoyayadi sikaolilivedi.

Iyoni 7:7

Da poyapoya geya itoboinedita sikaolilivemi unana komi tauyadi nakae. E yau ataalavaita bego da poyapoya idi guinuwa goyogoyoidi, tauna sikaolilivegu.

Iyoni 9:34

Go kidi Diyuuyadi sidigo kadi, ‘Tamam be sinam idi goyo pasina kom ma mataakeboim kubíbina go, bego kuvatulukoima ae?’ Tuwo sivatapiye, e idi kaba tugúguna goi sisanabode.

Guinuwa 22:22

E boda sitaaiyakeke ana kadókana ina livala Totuyoyowo manudi sinovedi. Tuwo gamodi sigoyo niyadi gagaina goi sidigo kadi, ‘Ame korotoyana kokaumate! Geya itoboineyeta maa yawoina ikaaiyaka.’

Guinuwa 24:5

Ame korotoyana kagite tobugoyo tayamo tomota liliuda yaida. Nakae ivanibiníbita asa liliudi goi livisi iguuinuwe Diyuu liliudi yaidi poyapoya ana madabokina goi. Ago tauyana kidi Nasareta taviileidi adi tovakumgo.

Guinuwa 9:16

Moitamo. Taabu kunuuwonūwana tauyana manuna. Yau toinigu bei avatuluko manakaena gedageda badabadaidi bei ibabanedi yau agu talavaita pasina. Tauna kūna.’

Yemesa 1:12

Avatauwa komi neta mou goi kootogaga, e ami dedevina bogina kobabane, unana mouyadi kotogoisavedi. Tauna ami vaiwówana moe yawoimi vau bei kobabane. Moe Yaubada ikatotule kita Tauyana ana tomatakoiyao yaida.

1 Pita 3:14

Go sem neta moitamo yogedegedemi unana komi nuwona ana tokibobwatayao, e tuwo ami dedevina bogina kobabane. Aiseya ina bóbwara koguinūwe; tauyana idigo kana, ‘E kaga simaatoite, taabu komatooitēdi; nakae taabu kokaateyōva.’ Aiseya 8:12