Luke 6:21 - Buki Kimaasabaina

²¹ Avatauwa komi neta ame tuta kookaloga, e nava bei Yaubada ivakayaodeimi, tauna ami dedevina bogina koobabane. Avatauwa komi neta ame tuta kotaitáiya, e nava bei kovanama, tauna ami dedevina bogina koobabane.

Luke 6:21 Iomraidhean Croise

Aba Vatowo 17:17

Tuwo Eberamo aena ivatugúyala ikanakabobo go, ivanama; ina nuwonúwana kana, ‘Yau guna tala tayamo andedi (100) go, Sera ana tala naintinain (99). Manakae? Itoboinema kavenátuna?’

Aba Vatowo 21:6

E gomanayana ina bíbina mlina Sera idigo kana, ‘Yaubada gómana ivinigu, tauna auyáwana be avanama. Avatauwa neta livala ame sinove, e nakae bei sivanama yau taiyao.’

Madiu 5:4

Avatauwa komi mami kategeda, e Yaubada bei ikipaiwolemi, tauna ami dedevina bogina koobabane.

Madiu 5:6

Avatauwa komi balomaimi siikaloga nakae maemi siyapayápasa Yaubada ina kivavasa manuna, e Yaubada bei ivauyaonemi, tauna ami dedevina bogina koobabane.

Luke 1:53

Kidi madi loga dogoi dedevidi goi ivakayaodeidi go, kidi toesaesa, nima kaka ivalilivedi.

Luke 6:20

Yeisu ina tovatotowanayao ipotedi, idigo kana, ‘Avatauwa komi neta kotokai, e komi Yaubada ina bodayauwo bei ikalibubumi, tauna ami dedevina bogina koobabane.

Luke 6:22

Tutayana tomota sikaolilivemi be sitavileiyemi be sikaogoyoemi be yoimi sitagiwoidi imi numisa Tomalatomota yaina pasina, e komi ami dedevina bogina koobabane.

Luke 6:25

Komi ame tuta bogina maa konami liliudi, nakae bogina yoiyami go, nava bei kokaloga. Tauna ami toovalugo! Komi ame tuta koovanama, nava bei nuwomi imou be nakae kotáiya. Tauna ami toovalugo.

Iyoni 11:35

Tuwo Yeisu itáiya.

Iyoni 4:10

Go iya Yeisuyana idigo kana, ‘Neta Yaubada ina yabobona kuuyagoi be nakae yau bwae manuna akaawanoi kuyagoigu, e itoboine kom bwae maa yawoina kukawanoiye, bei avinim.’

Iyoni 6:35

Iya Yeisuyana idigo kana, ‘Yau Tauyagu yawana vau awoinuna. Avatau neta iimekoigu, e loga geya ikamakámasa. Nakae neta inuumisegu, e maena geya iyapayápasa.

1 Korinta 4:11

Boi nimatu go, ima ame tuta maama loga, maema siyapayápasa, ama kwama sigoyo bogina, tomota siilauima, geya ima vadamo.

2 Korinta 11:27

guna poisógana be guna valitulítuwo goi, sabamgo badabadaidi geya amasisita, magu loga be maegu isayasaya, tuta badabadaina geya avagumo, gogou akámasa unana guna kwama geya sibadebadeta.

2 Korinta 12:10

Tauna guna neneta, guna yogedageda, guna mou, guna vakaleya be nakae guna vailai Guyau manuna bei auyaaonedi. Bogina koyagoi. Tutayana yau aneneta, e moe tutayana Guyau ina togaga goi yau atogaga.

2 Korinta 6:10

E nakona mama nuwomou go, tuta liliuna kaauyáwana. E nakona katokai go, esaesa mooitamoina kakaiguyauye tomota badabadaidi yaidi. E nakona poyapoya ame goi kai geya konamamo go, yábana konanina liliudi sikaaiyaka yaima.

Yemesa 1:12

Avatauwa komi neta mou goi kootogaga, e ami dedevina bogina kobabane, unana mouyadi kotogoisavedi. Tauna ami vaiwówana moe yawoimi vau bei kobabane. Moe Yaubada ikatotule kita Tauyana ana tomatakoiyao yaida.

Nuwogau 21:3

Amo ikavava, níyana tayamo kébana esaaesaina goi anove kana, ‘Kunōve! Yaubada ina tomota yaidi goi ikaaiyaka. Tuwo yaidi goi bei ikaaiyaka. Kidi go tomotayadi bei ina bodao go, iya bei idi Yaubada; tauyadi taiyao sikaaiyaka.

Nuwogau 7:16

Tuwo Lamiyana kebana esaaesaina kikina goi iitaoya moe adi tomatakavata. Tauyana bei ivakededi sina bwae maa yawoina goi sinim be nakae Yaubada mataiudi bei isekukudi. Tauna geya tuwaina bei loga o dava sikamakámasa be nakae geya tuwaina níyala o yaviyavi silootowoidi.’