Luke 5:1 - Buki Kimaasabaina

¹ E tuta tayamo bodayadi sivatuvagivagigi be nakae Yaubada ina livala ivaatulúkwana sitaaiyakeke go, Tauyana Genesareta Bwaena kikina goi iitaoya.

Luke 5:1 Iomraidhean Croise

Madiu 11:12

E Iyoni tosayóyova ina paisewa ana kaba vatowo goi go, ima ame tuta Yaubada ina bodayauwo ikaliibubudi vakaleya gagaina toina siibabane. Ago adi tovakaleyayaoyadi sipoikíkina bego ina bodayauwoyadi siyoisidi siyogedegededi.

Madiu 14:34

Bogina kasaidámana kana Genesareta dadavina goi kavaiu.

Maki 3:9

Tuwo Yeisu ina tovatotowanayao ilatuwokoidi idigo kana, ‘Kewou kokābi kōme bei itoboinegu asowoya boda pasidi, govila bei bodayadi sivatuvagivagígina yau yaigu.’

Maki 4:1

Aiyuwoina ikaluvilamna ina Galili labutabutaina goi ivatowo ivatulúkwana. Ivaatulúkwana go, boda gagaina sitaligógana simamaima Tauyana yaina. Tauna itaoya iiwo ina oga tayamo idoidoiye goi isowoya, itusobu go, bodayadi liliudi labutabuta goi sikaaiyaka.

Maki 5:24

Tuwo moitamo Yeisu taiyao sina. Ego sinonoina, enao goi boda gagaina mlidi goi sivatuvagivagígina.

Maki 6:53

Yeisu mana tovatotowanayao bogina sisaidámana sina Genesareta dadavina goi sivaiu, idi oga sivailowo.

Luke 12:1

Tuta amo goi boda gagaina toina nakona aivina tausani bogina sitaligógana, tauna sivatuvagivagígina. Go yaidi idigo kana, ‘Ami dodōkana kidi goi. Istiyana moe idi pola. Tauyadi sinuwonúwana idi numisa polapola itoboinedi sivamou.

Luke 5:2

Iitaoya, toúwata idi oga aiyuwo katuloopoudi igitedi go, touwatayadi bogina sisou idi úwata siinikidi.

Luke 8:22

E tuta tayamo Yeisu mana tovatotowanayao oga goi sisowoya, ilatuwokoidi idigo kana, ‘Galili Bwaena tayaodamāne tāna ta dadava.’ Tuwo sikailova.

Luke 8:23

E sinonoina go, Yeisu imasisi bogina ikanaamatáiya. Iimasisi go, ulibomatu gagaina ikalisou Bwaeyana goi itowo. Tuwo aivaya siseulalágata oga bogina sivakayaaodei, nakae ogayana giyakainava bei isalili sivailai.

Luke 8:33

E dimoniyadi sitaoya koroto goi sisowóduwo sina bao sinaedi goi sisiu. Sisiu, baoyadi madabokidi sisaloku, silokoina sina koya tagatagagina goi sipela sisou sina Galili Bwaena goi sisalili.

Luke 8:45

Ago kina Yeisu idigo kana, ‘Avatau ibisikonegu?’ E boda liliudi silawoiwoi go, idigo kana, ‘Tomoya, boda sitaoyaakobum be sivatuvagivaagigim go!’

Iyoni 1:40

Ama taiyuwokova Iyoni kanove be Yeisu kasabokuliye. Koroto tayamo moe siyagu yoina Anduru; tauyana Saimoni siyana.

Iyoni 6:1

Moe dogoiyadi sikavava, taiyao kakaluvilamna kana Galili dadavina. Niga oga kasowoya kakailova kasaidámana kana Galili Bwaena ituli ta dadava. Bwaeyana youyuwoina moe Tiberiyasi.

Iberiu 13:7

Ami tovakumgoyao boi Yaubada ina livala sivatuulukoimi yawoidi konuwaaisīdi. Yawoidiyadi keuwoidi manuna konuwonūwana, e idi numisa kovatotowōne.