Luke 4:2 - Buki Kimaasabaina

² Maliyalina poti (40) goi Yeisu ivaakakone. Ago amo maliyalinayadi goi geya ikaiketa. Tuwo maliyalinayadi sikavava, Tauyana loga bogina ikámasa.

Luke 4:2 Iomraidhean Croise

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Tateta 24:18

Yau atukotuko, e gaotayana goi asiu. Maeko goi maliyalina poti (40) be nakae sabamgo poti (40) akaaiyaka.

Tateta 34:28

E tuwo maliyalina poti (40) be nakae sabamgo poti (40) goi akaaiyaka Yauwe taiyao go, áika be nakae bwae nim geya. Ago gurewayadi aiyuwo goi Yauwe ina ana livala aginidi moe ina lovina yawou.

Iyona 3:7

Da Ninivei idi lovina ivinidi idigo kana, ‘Lovina ame yau imi tolovina be nakae imi tomoyamoya goi iwo yaimi. Lovinayana ame nakae: Kita tomota be nakae yoguyogu gagaidi be giyaidi taabu takakâika be nakae taabu tanimnîm,

Madiu 21:18

E vanuwo itomo, kaluwoboi kakaluvilamna kana Yerusalema go, kanonoina Yeisu loga ikámasa.

Madiu 4:2

Sina yoyowo goi, Yeisu maliyalina poti (40) be sabamgo poti (40) idiiyakímwana go, maliyalinayadi mlidi loga bogina ikámasa.

Luke 4:3

E Totagiwayayana idigo kana, ‘Kom moitamo Yaubada Natuna ae? Tauna gurewa ame kulovināe bego imalakawoinu.’

Iyoni 4:6

Ego amoko goi Yakobo ina doelu ikaaiyaka. E tuwo kama doeluyana goi Yeisu etoiya bogina ilausi, tuwo doeluyana aubodaina yatana goi itusobu iwaiwasi. Moe bogina dine.

Iberiu 2:18

Tauyana itoboine ivaiteda. Boi gedageda ilotowo tutayana aba vakakona ibabane. Tauna itoboine tauyadi adi kaba vakakona sibaabanedi ivaitedi.

Iberiu 4:15

Moe itoboine. Kita mada Tonúwala Toolagaina go, geya kada Tonúwala Toolagaidi liliudi nakae geya. Kidi Tonuwalayadi liliudi geya itoboinedita ida neneta silotowoidi. Go sem kita ida Tonúwala ida nenetayadi ilotowoidi. E Tauyana vakakona liliudi kita nakae bogina ibabanedi go, geya ina goyomo.