Luke 4:18 - Buki Kimaasabaina

¹⁸ ‘Yauwe Balomaina yaigu goi ikaaiyaka unana ikawoigu bei toosobudi yaidi goi atalavaite. Ietunegu bei kidi yoowonidi yaidi goi adi talígava be tokebo yaidi adi kidedevina atalavaitedi, bei tokaiyakomou ataligeidi,

Luke 4:18 Iomraidhean Croise

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Madiu 12:18

‘Konōve! Guna kitom goame. Bogina akinave. Tauyana amatakoiye be nakae ategu iuyaone gagaina. Yaina goi bei Balomaigu ayato. Yau guna takínona vavasa bei italavaite yaidi.

Madiu 12:20

Geya vatau tayaamo neenetaina duriduri taguuyalina nakae o rampa ana wiki kaakupina nakae ikatae, go sem inuwokapisiyedi. Nakae bei iguinuwe ana kadókana Yaubada ina takínona vavasa amo lavayana bei ikaiwoduwedoko.

Madiu 4:16

Tomotayadi kokonótuya goi sikaaiyaka moe nakae amasa vata kikina goi go, mavada gagaaina bogina sigite. Mavadayana moe Yaubada ina yava ikaiwoduwe yaidi.’ Aiseya 9:1-2

Madiu 5:3

‘Avatauwa komi balomaimi goi kootokai, e komi Yaubada ina bodayauwo bei ikalibubumi, tauna ami dedevina bogina koobabane.

Luke 4:17

Tuwo Yaubada ina Aiseya ina buki nuunumina sivini ikabi ikimalelei. Ikimalelei, Aiseya ina gínina tayamo ilusale, ibabane. Gininayana ikatuyaivi idigo kana,

Luke 6:20

Yeisu ina tovatotowanayao ipotedi, idigo kana, ‘Avatauwa komi neta kotokai, e komi Yaubada ina bodayauwo bei ikalibubumi, tauna ami dedevina bogina koobabane.

Luke 7:22

Tuwo idigo kana, ‘Segowo, kaga atalavaaitedi bogina konovedi be kaga aguuinuwedi bogina kogitedi. Guinuwayadi ame nakae: Tokebo sigita dókana, topem siketoiyamna, vísiya liliuna tomota sakavaidi sikavava, tauyadi taiyadi patupatudi sitaiyakeka dókana, tokámasa sitaoyamna, tookaidi sinove. Kōna moe dogoiyadi madabokidi kotalavaitēdi Iyoni yaina bei iyagoi.

Iyoni 1:41

Ame tauyana mainao ina toinina siyana Saimoni ibabane ilatuwoko kana, ‘Siyagu, bogina kababane.’ Mesaiya ana yagoina moe Guyau, Yaubada ana Vadámana.

Iyoni 12:46

Yau mavada nakae ama poyapoya ame goi bego avatauwa neta sinuumisegu, kokonótuya goi geya sikaiyaketa.

Iyoni 3:34

Ame moitamo. Yaubada Natuna ietune ima ina livala italavaitedi. Bogina kuyagoi. Yaubada Balomaina ivakayaodeivatae.

Guinuwa 26:18

Kutalavaitegu, e bei mamaníwana situgavile go, mavada simeko. Aiyuwoina Kaleya ina lovina sikalave go, Yaubada simeko. Moeko idi goyo adi nuwotao bei sibabane go, Yaubada ina bodao sisiukoidi, moe idi numisa yau yaigu goi Yaubada ikimasabedi kina ina bodao”, Tomoyayana kaena.

Guinuwa 4:26

Da poyapoya adi tolovinayao sikatubayásina be nakae situgúguna; latuwodi bego sivakaleyedi.” Same 2:1-2

Guinuwa 4:27

Ame moitamo. Ame Devida iginigini bogina imalatomota ame nakae: Ame asayana goi bogina kuukinave am Vadámana sivakaleye.

Kolose 1:13

Kita mamaníwana ina kaba lovina goi iyaveda namlieta ikaidamaneda Natuna, moe ina kakaya, ina kalibúbuna sinaena goi.

Yemesa 2:5

Konovēgu, guna kaloyao! Tookaidiyadi da poyapoya matadi goi sitokai go, kina Yaubada ikinavedi idi numisa pasina siguyau be nakae ikalibubudi nakae boi ikaatotule Tauyana ana tomatakoiyao yaidi ae?

1 Pita 2:9

E komi sem Yaubada ina boda kiinavaimi; komi ina tonuwalayao mami lovina be boda kimaasabaimi Tauyana umana; komi Yaubada toinina ina , e bei itoboinemi Tauyana ina guinuwa kaausaraidi kotalavaitedi. Boi komi mamaníwana goi kokaaiyaka go, iduduwemi koma ina mavada kaausaraina goi kokaaiyaka.