Luke 24:44 - Buki Kimaasabaina

⁴⁴ E ilatuwokoidi idigo kana, ‘Ame yau guna livala boi nava yaimi goi akaaiyaka alatuwokoimi kagu, “Kaga liliuna goi be tokabivalavala idi buki goi be Same goi siiginidi yau manugu itoboine simalatomota.”’

Luke 24:44 Iomraidhean Croise

Aba Vatowo 14:18

E kina go da Salema adi tokalibúbuna yoina .

Aba Vatowo 22:18

E sopagu bogina kwabikaone, tauna nava boda liliudi poyapoya ame bei siyagoi im bodayana goi akaipakuyedi.”’

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Aba Vatowo 49:10

Kom mam lovina go, lovinayana bei ikaiyako vata am dala yaina. Koroto tayamo am dalayana goi bei ilovina ana kadókana Tokalibubunayana ima ikalibúbuna be nakae tomota liliudi sopana sikabikaone.

Madiu 1:22

E moe dogoiyadi liliudi sisowóduwo bego itoboine Yaubada ina ina talavaita imalatomotamna. Talavaitayana moe Yauwe ina vala boi italavaitedi idigo kana,

Madiu 16:21

Tuta amo goi Yeisu ivatowo kai ina tovatotowanayao ivatulukoima ina kámasa manuna, idigo kana, ‘Itoboine ana Yerusalema goi tomoyamoya be Gagaidi be nakae Yaubada ina Katukeda ana tovatulukwanayao bei siyogedegedegu gagaina be nakae sikaumategu go, maliyalina aitonina goi Yaubada bei ikaitaoegu.’

Madiu 26:54

Neta nakae aguinuwe, e Gínina Kimaasabaidi adi talavaita manugu manakaedi simalatomota? Geya. Tauna nakae geya aguinuweyeta.’

Madiu 26:56

Go ame dogoiyadi madabokidi sisowóduwo bego Yaubada ina idi Gínina Kimaasabaidi simalatomotamna.’ E tuwo kai Yeisu ina tovatotowanayao liliuma Tauyana kakalave go, kasiya.

Maki 9:31

Moitamo. Sinonoina enao goi ina tovatotowanayao ivatuulukoidi kana, ‘Nava bei tomota tayamo itaoya, Tomalatomota inuwotuluye tomota nimadi goi. Ikavava, bei sikabi sikaumate go, ina kaumatayana mlina maliyalina aitonina goi bei itaoyamna.’ Nakae ivatuulukoidi go, boda liliudi nakona bei sitainasi, tauna geya latuwona siyagoi ikaaiyaka.

Luke 21:22

Amo maliyalinayadi goi Yaubada ina liuna ana tuta be kaga liliuna italavaaitedi bei simalatomota. Tauna itoboine tomota liliudi sisiya.

Luke 22:37

Moitamo. Ame alatuuwokoimi konōve: nakae italavaite Tomalatomota manuna kana, “Tauyana sikatuyaivi lovina ana tokapipilova taiyao.” Aiseya 53:12 Ame livalayadi bei simalatomota yau yaigu. Ame moitamo. Kaga kaga boi manugu siiginidi, e nakae bei simalatomota yau yaigu.’

Luke 24:46

Ikavava, idigo kana, ‘Amo bukiyadi goi sigini bego , itoboine bei gedageda be ámasa ibabanedi go, maliyalina aitonina goi tokámasa yaidi bei itaoyamna.

Luke 9:22

Gagaidi be nakae Yaubada ina Katukeda ana tovatulukwanayao bei sikatae namlieta sikaumate go, maliyalina aitonina goi Yaubada bei ikaitáoe.’

Luke 9:44

‘Guna vatulúkwana ame konuwokavatēdi: Nava bei tomota tayamo itaoya, Tomalatomota inuwotuluye tomota nimadi goi.’

Iyoni 3:14

Boi nimatu yoyowo goi Mosese barasa ikabi, moteta imadagi. Ikavava, aitakeo goi itupatuko. Ikavava, ikatulagasi, e bei avatauwa neta motetayana sipotepote, geya sikamaseta, go sem maa yawoidi sikaaiyaka. E nakae itoboine bei Tomalatomota sikatulagasi

Iyoni 5:39

Komi kokatuyaividokoidi unana konuwonúwana Gininayadi goi bei koyagoi manakaemi yawoimi vata kobabane. Go amo Gininayadi sitalavaaitegu!

Iyoni 5:46

Moitamo. Neta Mosese konumise, bei konumisegu. Bogina koyagoi. Moe yau manugu ina bukiyadi goi iginidi!

Guinuwa 13:33

go, bogina iguinuwe kita tauyadi tubudiyao yaida ame nakae: Yeisu ikinave bego Tauyana Guyau nakae Same idige kana, “Kom yau natugu; yau ame avanatunem.” Same 2:7

Guinuwa 13:40

Tauna, Yeisu valena konumīse go, geya, ami dodōkana, govila bei kaga Yaubada ina tokabivalavalayao boi sitalavaaitedi sisowóduwo komi yaimi.

Guinuwa 3:18

Go konuwokavāte boi Yaubada ina ina gedageda bei ibabanedi. Tauna nakae ina livalayana imalatomota.

Guinuwa 7:37

Ame Moseseyana boi Isileli tubunao ilatuwokoidi idigo kana, “Koroto tayamo yaimi goi kina Yaubada nava bei ivayoko kina tayamo yau nakae manumi.” Atukeda 18:15,18

Iberiu 10:1

Toolagaina tala tamo tamo goi tuta liliuna yoguyogu sikaumatedi sikaasaledi Yaubada yaina bego tomota sidedevina Yaubada matana goi go, Atukedayana geya itoboineyeta bei Yaubada ana tovalabelabenayao ikimatuwedi.

Iberiu 3:5

Go Mosese tovaita aba numisa, e Yaubada ina bodayauwo liliudi ivaitedi be kaga nava bei Yaubada iidigedi tauyana italavaitedi.

Iberiu 7:1

Moitamo. .

Iberiu 9:8

ame ivatulukoida: Neta dadava vakuumgoina ana paisewa nava ikaaiyaka, e Tukunu Kimaasabaina Toina ana siu ana kenao geya ikatupaeveta.

1 Pita 1:11

Tokabivalavalayadi atedi goi boi Balomaina ikaaiyaka igimitalavaita yaidi Guyauyana manakaena ina gedageda bei ilotowoidi go, namlieta Yaubada ina togaga ana káeyana ivagitakoedi Tauyana yaina. Ago tokabivalavalayadi silumadádana, latuwodi bego siyagoi ava tuta dogoiyadi bei sisowóduwo o ava kaba kinana goi itoboinedi siyagoi dogoiyadi bei sisowóduwo.

Nuwogau 19:10

Tuwo aneroseyana aena goi aegu avatugúyala be yaina asakululu go, ilatuwokoigu idigo kana, ‘Moe nakae geya! Yau goi ima go, Balomayana nakae tokabivalavala nukotodi isanayatoidi valayana sitalavaite. Tauna kom be yau vala tayamo ana totalavaitayao tavavasa.’