Luke 23:2 - Buki Kimaasabaina

² E sima Pailatoyana goi sivatowo Yeisu siwowoko kadi, ‘Ame Tauyana kagitebabane ima boda ivasulaigidi ame nakae: Tomota isanabodedi geya sitakisita yaina. Aiyuwoina kanove idigo kana, “Yau tayamo.”’

Luke 23:2 Iomraidhean Croise

Madiu 17:27

Go tuwo, kuīwo kūna bwae goi im bani kulāve. Ava íyana mainao kugimibiu, e kukābi, tobuna kukikatanāi, bei mani tayamo kubabane. Maniyana kwābi kunāve Vada Kimaasabaina ana takisi ana togogoyaoyadi kuvinīdi kom be yau ida takisi manuna, govila bei tagiegamogamoguyedi.’

Madiu 22:21

‘Sisa!’ Tauyadi kaedi. Tuwo Yeisu idigo kana, ‘Moe moitamo. Tauna kaga neta Sisa konana, e Sisayana tavīni go, kaga neta Yaubada konana, e Yaubadayana tavīni.’

Madiu 27:11

E Yeisu sime gávana Pailato matana goi sivataoe go, gavanayana Yeisu ilumadade idigo kana, ‘Kom moitamo Diyuu adi tokalibúbuna?’ ‘Kom bogina kudigoyabe’, Yeisu kaena.

Maki 12:17

E kina go Yeisuyana idigo kana, ‘Moe moitamo. Tauna kaga neta Sisa konana, e Sisayana tavīni go, kaga neta Yaubada konana, e Yaubadayana tavīni.’ Tauyadi sikainaopa ina katumapu pasina.

Maki 15:2

Go kina Pailatoyana ilumadade idigo kana, ‘Kom moitamo Diyuu adi Tokalibúbuna?’ ‘Kom bogina kudigoyabe.’ Yeisu kaena.

Luke 23:14

ilatuwokoidi idigo kana, ‘Ame korotoyana bogina kome yau yaigu kotalavaite bego tomota ivasulaigidi go, konovēgu. Tauyana bogina matami goi adovatusidoko go, geya tayaamo píkwana Tauyana yaina goi ababane. Go moe yau aguta guna nuwonúwana geya,

Luke 23:5

E bodayadi sikaugeogéona sidigo kadi, ‘Geya! Tauyana ina Yudiya madabokina goi ivaatulúkwana, e boda idumwamwainidi. Ivatowo Galili goi ima ameko goi.’

Iyoni 18:29

E sima go, Pailato isowóduwo ima tauyadi yaidi idigo kana, ‘Kolatuwokōigu koroto ame ava lovina ikapipilave?’

Iyoni 18:30

Tauyadi sidigo kadi, ‘Neta ame korotoyana geya goyo ana toguinuwa geya, nimam goi geya kayatoeta.’

Iyoni 19:12

Amo tutayana goi Pailato enao iilusala bei Yeisu italigei. E kidi go Diyuuyadi siduduwo sidigo kadi, ‘Neta moe Tauyana kutaligei, kom geya siyana geya! Avatau neta toinina bego ietolovina, tauyana tolovina Sisa ivakaleye. Moe korotoyana bego ietolovina, tauna Sisa ivakaleye.’

Guinuwa 24:13

E dogoiyadi manudi ame tuta siwoowokoigu geya itoboinedita idi kiyakiyaya sikaiwoduwedi bei kugitedi kuyagoi moitamo abágala.

Guinuwa 24:5

Ame korotoyana kagite tobugoyo tayamo tomota liliuda yaida. Nakae ivanibiníbita asa liliudi goi livisi iguuinuwe Diyuu liliudi yaidi poyapoya ana madabokina goi. Ago tauyana kidi Nasareta taviileidi adi tovakumgo.

Roma 13:7

Tomota liliudi idi maisa taaemāisi. Neta moe takisi, e yaidi goi taatakīsi. Neta moe kónana ana takisi, e yaidi goi taatakīsi. Neta moe taimámina, e yaidi goi tataaimāmina. Neta wowoina, e tawowooinēdi.