Luke 18:13 - Buki Kimaasabaina

¹³ E kina go takisi ana togogoyana masigava goi iitaoya go, geya latuwona matana ikandolaga yábana goi, go sem mana nuwomou kasikasina itututu go, idigo kana, “Yaubada, yau toogoyoigu kunuwokapisiyēgu!”

Luke 18:13 Iomraidhean Croise

Tateta 33:10

E tomota liliudi sikandobala gaotayana taaoyaina sigitegite yoyou totomna goi iitaoya, e toinidi idi parai totomdi goi aedi sivatugúyala sisakululu Yaubada yaina.

Madiu 10:3

Pilipo, Batolomiu, Tomasi, yau Madiu , Alipiyo natuna Yemesa, Tadiyasi,

Madiu 6:5

Tutayana kokawanoi, taabu todedevidi polapola kovatotoowonēdi unana kidi nuwodi ikabi aba tugúguna goi be nakae kedalalavi goi siitaoya sikawanoi Yaubada yaina bego tomota sigitedi. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Madiu 9:13

E Yaubada ina livala ame kogitedōko bei koyagoi kaga ana yagoina. Livalayana kana, “Latuwogu yoguyogu kokasaledi yau yaigu, go sem latuwogu toina moe konuwokapisi.” Oseya 6:6 Moe moitamo. Yau ama geya tauyadi toinidi sinuwonúwana bego kidi aduduwedi geya, go sem ama toogoyoidi aduduwedi bei situgavila.’

Maki 11:25

Ago tutayana kotaoya bei kokawanoi, neta tomota idi bágala yaimi goi sikaaiyaka, e bagalayadi konuwotaōidi bego Tamada guma yábana nakae bei imi bágala inuwotaoidi.’

Luke 17:12

Siiketoiya sina tayamo asa moetala goi koroto tolepero adi badabada yawou ivalobodedi; tauyadi tupwana masigava goi siitaoya

Luke 22:41

Ibóbwara ikavava, ibala ina itumasaba aena ivatugúyala ikawanoi

Luke 23:48

Ago tutayana Yeisu ina kámasa ana toyokoyao madabokidi sigite kaga liliuna siisowóduwo, madi nuwomou goi kasikasidi situtu go, sikaluvilamna sina idi kasa.

Luke 5:8

E Saimoni Pita igite kaga iisowóduwo, tuwo Yeisu matana goi aena ivatugúyala idigo kana, ‘Tomoya, yau koroto toogoyoigu, tauna kwalavēgu.’

Guinuwa 2:37

E Pita ina bóbwara boda sinove, sivakúwana, tuwo Pitayana be nakae vamoleyanayaoyadi liliudi silatuwokoidi sidigo kadi, ‘Bogina kabágala! Semao, bei manakaema?’

Roma 5:8

E moe moitamo go, Yaubada toinina ina matakoi yaida goi ivatulukoida bego kita nava toogoyoida go, tuwo manuda Guyau ikámasa.

2 Korinta 7:11

Moitamo. Kogita? Imi nuwomouyana nakae Yaubada latuwona go, nuwomou ina guinuwa yaimi goi kopoisógana bego kokabikaonegu. Go poisógana kaka geya, go sem toinimi kotasigimi. Go tasígina kaka geya, go sem tauyana ina goyo manuna koegamogamogu. Go egamogamogu kaka geya, go sem komatoita. Go matoita kaka geya, go sem kokatukuwonegu. Go atukúwana kaka geya, go sem lulumi ilíbwata manugu. Go líbwata kaka geya, go sem mami salau tauyana ina goyo koliune. Kaga liliuna goi bogina kovagitakoimi bego tauyana ina goyo manuna komi geya ami pikwanamo.

1 Timoti 1:15

Livala ame livala nakae itoboineda tauyaonedoko: Guyau Yeisu bogina isou ima poyapoya goi bego toogoyoida iyaveda. Ego togoyoidayada yaida goi yau moitamo toogoyoigu toigu go, liuna geya iviniguta geya,

Iberiu 4:16

Tauna mada katepatu Tokanayatanatoina, moe anuwóiya ana Tokaiguyau, tanōko bego ina nuwokapisi tababane be nakae ina kanuwóiya ada mou manudi tababane.