Luke 17:5 - Buki Kimaasabaina

⁵ Tuwo Tomoya ina sidigo kadi, ‘Tomoya, ima numisa kuvaitūwe.’

Luke 17:5 Iomraidhean Croise

Maki 6:30

Yeisu ina sikaluvilamna sima Tauyana yaina goi sigúguna go, kaga liliuna idi vaníbita goi siguuinuwedi be sivaatulúkwana sivatétala adi kaibako.

Maki 9:24

Tuwo mainao korotoyana iduduwo kana, ‘Moitamo anumisa go, geya anumisadokoneta. Go neta guna numisa kuvāite!’

Luke 7:13

Tomoya ivalobodedi go, kobuyayana igite, inuwokapisiye idigo kana, ‘Taabu kutaitāiya!’

Luke 7:19

idigo kana, ‘Ami taiyuwo kōna Tomoya kogīte kolumadāde kami, “Manakae? Kom Tauyam boi Yaubada ina tokabivalavala sikatotulem katuyaaosim gea, ituli ta koroto nava katuuyaosi?”’

Pilipai 4:13

Nakae adige unana ame: Ame aiyakoyadi liliudi alootowoidi go, yau guna spwagógana Tauyana ikitoogagegu taiyao pasina itoboinegu amesayágana.

2 Tesalonáika 1:3

Semao, itoboinema tuta liliuna kakaauyagu Yaubada yaina goi komi manumi. Ima kauyaguyana itoboine unana imi numisa nava ibibíbina nakae imi sedao yaidi goi kovaaituwe.

Iberiu 12:2

Ida lokoinayana ame nakae: tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.