Luke 16:2 - Buki Kimaasabaina

² Tuwo ina torugwautayana iduduwe ima ilatuwoko idigo kana, “Valem anove igoyo. Kūna guna esaesa rugwáuta bukina kwābi kūme kuvinimnēigu! Geya tuwaina guna esaesa kurugwausidi geya.”

Luke 16:2 Iomraidhean Croise

Madiu 12:36

E ame alatuuwokoimi konōve: Takínona ana maliyalina goi tomota idi livala besobeso liliudi sivaatoidi bei Yaubada yaina sitalaseyanedi.

Madiu 20:8

E níyala giyakainava isaliu, toni tánuwo ina paisewa ana tovakumgo iduduwe ima ilatuwoko idigo kana, “Topaisewa kududuwēdi sima kuemaisīdi go, im emaisa továmliya goi kuvatōwo ina tovakumgo goi kulukavāve.”

Luke 12:20

Go kina Yaubadayana idigo kana, “Yaaluwoim! Sabamgo ame goi kom yawoim go, konamyadi bogina kwatubaayasidi avatau bei ikabidi? Bei kom geya!”

Luke 12:42

Tuwo Tomoyayana idigo kana, ‘Livalakaibalayana moe komi manumi be nakae tomota liliudi manudi neta komi tomoya ina pákwana tayamo nakae. Pakoninayana be nakae torugwáuta mana nanamsa. Tuwo ina tomoya bei ivayoko kina ina pakonayao adi tovakumgo, bei maliyalina tamo tamo tuta ana toboine goi avadi iivinidi sikakáika. Ikavava, tomoyayana ina.

Luke 16:1

E nakae livalakaibala goi ilatuuwokoidi idigo kana, ‘Tayamo toesaesa ikaaiyaka. Tauyana mana torugwáuta tayamo ina esaesa iruugwausi. E tomota sima toesaesayana yaina goi torugwáuta ina goyo sitalavaite sidigo kadi, “Im torugwáuta im esaesa ikavavaalugedi.”

Luke 16:3

E torugwautayana toinina yaina idigo kana, “Rugwáuta ana paisewayana goi guna tomoya bogina bei ivalilivegu, tauna bei manakaegu? Geya itoboineguta paisewa moumouna aguinuwe. Ogu imayamaya bego tomota yaidi goi vaita manuna akawanoi.

Roma 14:12

Tauna kita tamo tamo bei toinida ida guinuwa tatalaseyanedi Yaubada yaina goi.

1 Korinta 1:11

Moitamo, segowo. Kiloe ina bodao maniyedi bogina sima silatuwokoigu bego komi yaimi goi aumakimaki sikaaiyaka.

1 Korinta 4:2

Go torugwáuta manuna, e ina paisewa goi itoboine kina .

1 Korinta 4:5

Tauna geya vatau tayaamo kootakīno. Ame tuta geya Tomoya ina tuta toina geya. Ina tuta toinayana moe bei ima toinina itakínona. Kaga liliuna vamoounidi mamaníwana goi sikaaiyaka bei itapasigidi. Nakae tomota idi nuwogau bei ikaiwoduwedi. Moe tutayana Yaubada tomota tamo tamo idi paisewa manudi bei iyapaliyedi. Tauna ame tuta taabu kootakīnona.

2 Korinta 5:10

Itoboineda tavauyaone unana madabokida ina kaba takínona goi bei tataoya be kita tamo tamo nakonakae wowoda goi boi bogina taguinuwedi, neta dedevina o igoyo, e nakae guinuwayadi bei imapudi. Tauna tapoikīkina bego Tauyana tavauyaone.

1 Timoti 4:14

Boi Baloma Kimaasabaina im kaiguyau ivinim tutayana tomoyamoya nimadi sikailagasidi dabam goi Yaubada ina nuwonúwana kom manum sikabivalevale. E moe aiguyauyana taabu kukaligaagaīye.

1 Timoti 5:24

Tovakumgo adi kimasabayana goi kukaimūmuna unana ame: Tomota maniyedi idi goyo moe sowooduidi. Nakae tauyadi nava geya kudovatusidita go, tuwo idi goyoyadi bogina kuyagoidi. Ego tomota maniyedi idi goyo mainao geya tagitedita go, neta tatuyáwata, nava bei sisowóduwo, e itoboineda tagitedi.

1 Pita 4:10

Kita tamo tamo Yaubada ina kaiguyau ituli ituli bogina ivinida, tauna aiguyauyadi liliudi koyatakoidi bego sedao tavaitedi.

1 Pita 4:5

Nava bei tauyadi kita maa yawoida be tokámasa adi Totakínona matana goi sitaoya idi sinapu sitalaseyanedi.

Nuwogau 20:12

Sisáwala ikavava, tokámasa liliudi agitedi, nakona maa yoidi o youtagau, Yaubada kebana esaesainayana matana goi siitaoya. Amo tauyadi négwasa goi sikámasa be nakae tokámasa idi dadava poyapoya goi sima. Siitaoya go, anerose buki sikatupaevedi. Amo bukiyadi sinaedi tomota idi guinuwa liliudi, dedevidi be goyogoyoidi, sikaaiyaka. Ago ituli ta buki nakae sikatupáeve, bukiyana moe yawana vata bukina, sinaena goi avatauwa neta yawoidi vata bei sibabane, e yoidi sikaaiyaka. E tokamasayadi liliudi sima kébana matana goi siitaoya go, Yaubada bukiyadi igitedi, kaga nakae boi idi guinuwa, e amo guinuwayadi goi tamo tamo itakinoidi.