Luke 13:11 - Buki Kimaasabaina

¹¹ Ivaatulúkwana go, vavina tayamo ikaaiyaka, pasina atówana tayamo iyoisi, tuwo tala eitin (18) goi isaaluyou; geya itoboineyeta ivatotóyoma.

Luke 13:11 Iomraidhean Croise

Madiu 4:23

Galili ana madabokina goi Yeisu ivanibiníbita go, tamo tamo goi ivaatulúkwana be nakae Yaubada ina kalibúbuna Valena Dedevina itaalavaite. Tauyadi neta ituli ta visiyava siyooisidi be nakae tokatówana liliudi ikidedeevinedi.

Maki 9:21

Go kina Yeisu ilumadádana gomanayana tamana yaina idigo kana, ‘Aivina tala natum ina sinapu moe nakae?’ ‘Ina tuta gómana goi go, ima ame tuta.

Luke 13:12

E vavinayana isaaluyou go, Yeisu igite, tuwo iduduwe ima ilatuwoko idigo kana, ‘Namoya, im katówana goi Yaubada bogina italigeim.’

Luke 13:16

E ame vavinayana Eberamo tubuna tayamo go, tala eitin (18) goi bogina Kaleya iyowo. Manakae? Sabati goi itoboine tauyana ana yówana goi Yaubada italigei gea geya? Itoboine ae?’

Luke 21:28

E tutayana moe dogoiyadi nakae bei sisowóduwo, koyagoi giyakainava Yaubada bei italigeimi, tauna mami lotuta be mami katepatu kotaoya dōkana.’

Luke 8:2

be vevina maniyedi taiyao sina. Vevinayadi yaidi goi boi Yeisu ivatapiyedi be nakae adi katówana goi ikidedevinedi. Vevinayadi ame nakae: Meri guma Magidara. Moe tauyana yaina goi Yeisu dimoni ana badabada ainima aiyuwo ivatapiyedi sisowóduwo.

Luke 8:27

E sivaiu, Yeisu oga goi isou go, amo asayana korotoina tayamo naagovaina ima ivalobode. Tauyana tuta maanawena kwama geya ilosilosi geya, nakae vada goi geya ikaiyaketa geya, go sem goi ikaaiyaka.

Luke 8:43

Ago bodayadi yaidi goi vavina tayamo ikaaiyaka. Vavinayana tala yawou aiyuwo goi ikaikaina idaudau go, nava idaudau. Ina doketa vaita manuna, e yaidi goi ina mani madabokina ilukavave go, geya kada tayaamo itoboine ikidedevine geya.

Guinuwa 3:2

Ego koroto tayamo ikaaiyaka, tauyana ana bíbina goi topem. Maliyalina tamo tamo goi senao sikavale sinavenave Vada Kimasabainayana ana kali totomna yoina Kausara goi siyatoyato bego ikawanoi mani manuna Vadayana ana tosiu yaidi.

Guinuwa 4:22

Topemyana ana kidedevina moe Yaubada ina guinuwa ana kaba kinana go, moe bogina siyagoi. Kidedevinayana moe aba kainaopa unana korotoyana ana tala ana badabada moe poti (40) goi kana ituko ina.