Luke 11:4 - Buki Kimaasabaina

⁴ Ima goyo neta kunuwotaōidi. Kai nakae tomota idi goyo liliudi yaima goi kanuwootaoidi. Neta taabu kutaagonēma bei vakakona goi kaakapusi.”’

Luke 11:4 Iomraidhean Croise

Aba Vatowo 48:16

Boi Tauyana nakae vailai goi iyavegu. E guna kawanoi amo Yaubadayana yaina goi bego natumowo ikaipakuyedi, e bei tomota yau yoigu siyagoi be nakae tamagu Aisake be tubugu Eberamo yoidi siyagoidi gogomanayadi pasidi. E tutayana sisusáila, tubudiyao badabadaidi poyapoya ame goi.’

Madiu 18:35

Tauna nakae neta komi tamo tamo atemi goi semiyao geya konuwotaoidita, e liunayana nakae Tamagu guma yábana bei iguinuwe komi yaimi.’

Madiu 26:41

Ago adi taito ilatuwokoidi idigo kana, ‘Koyauyāusa nakae kokaawanōi bego aba vakakona goi geya kokapusita. Balomaimi latuwodi toina go, wowomi sineneta.’

Luke 11:5

Yeisu tuwaina kana, ‘Neta komi kona siyami yaina bunatoina goi kodigo kami, “Siyagu, guna ogaoga ima go, yau geya tayaamo kaga bego avini ikáika. Tauna aito kuvinīgu ana avini.”

Luke 13:4

Aiyuwoina tomota eitin (18) boi Siloam Yerusalema sinaena goi sikaaiyaka go, vada maanawena isou ikaumatedi. Manakae? Konuwonúwana bego kidi idi goyo ivakaigaga Yaubada matana goi namlieta kidi Yerusalema ana tokaiyakoyao madabokidi, tauna moe nakae eitiniyadi (18) sivailai ae?

Luke 22:46

Tuwo, iwoinidi idigo kana, ‘Manakae kokanaamatáiya? Kotāoya be kokawanōi Yaubada yaina bei ivaitemi aba vakakona goi geya kokapusita.’

Luke 8:13

E kidi go kutukutuyadi sisou poyapoya manamanáiyala goi moe nakae tomota maniyedi neta Yaubada ina livala sinove, madi uyáwana siuuyaone go, geya lamdimo. Tuta kaakupina sinumisa go, tutayana idi numisa pasina vakakona sibabane, sikapusi.

Iyoni 17:15

Geya akawanoita bego guna tovatotowanayao poyapoya ame goi kukabidi, go sem akawanoi yaim bego kuyoisikavatedi bei Togoyoinayana geya itoboineyeta ibisikonedi.

1 Korinta 10:13

Vakakona liliudi siimekoida moe tomota liliudi adi vakakona nakae. Go Yaubada . Geya kada tayaamo vakakona itagone bei itogagasaveda geya, go sem tutayana vakakona tababane, Tauyana bei aba siya tayamo ivatulukoida, e bei itoboineda tatogaga.

Kolose 3:13

Tomota yaidi geya kokawowoteyeta go, neta tomota goyo siguinuwedi yaimi, idi goyoyadi konuwotaōidi. Ida Tomoya ida goyo bogina inuwotaoidi. Kita nakae, tomota idi goyo tanuwotaōidi.

2 Tesalonáika 3:3

Go ida Tomoya , tauna bei ikitoogagemi be nakae ivabodeebodemi Togoyoinayana yaina goi.

2 Timoti 4:18

Ida Tomoyayana guinuwa goyogoyoidi tamo tamo yaidi goi bei italigeigu be iyavegu imegu yábana goi iyatoigu. Tauyana aba taimámina ame tuta be nakae tuta simamaima! E nakae!

Yemesa 2:13

Neta sedao geya tanuwokapisiyedita, e Yaubada nakae ina takínona goi geya inuwokapisiyedeta. Avatauwa neta tonuwokapisi, Yaubada ina takínona geya simatoiteyeta, go sem Yaubada ina nuwokapisi bei sibabane.

Nuwogau 2:10

Gedageda giyakainava bei kobabanedi taabu komatooitēdi. Konōve! giyakainava bei imi kaleyayao iepaaisewedi bei deri goi sivaisiumi bego imi numisa ivakakone. Amoko goi maliyalina yawou sinaedi bei mou kobabane. Go komi imi numisa goi kotaoyakavāta ana kadókana kokámasa, bei ami vaiwówana, moe yawoimi vata, avinimi.

Nuwogau 3:10

Guna livala mesayágana manuna bogina koyoisiikavate, tauna yau nakae nava vakakona ana tuta bei ima poyapoya ana madabokina goi da poyapoya adi vakakona sibabane, go komi sem bei vakakonayana yaina goi avagagalemi.