Luke 11:39 - Buki Kimaasabaina

³⁹ E Tomoyayana idigo kana, ‘Komi Parisi moitamo! Komi keiga be noko nakae. Toluyedi koonikidi go, sinaedi báila ivakayaodeidi, bailayana moe matakónana be guinuwa goyogoyoidi.

Luke 11:39 Iomraidhean Croise

Aba Vatowo 6:5

E Yauwe ikandosobu tomota idi goyo igitedi sivakaigaga be nakae tuta liliuna idi nuwogau liliudi nuwodi goi sigoyo.

Madiu 15:19

Tomota nuwodi goi nuwogau goyogoyoidi, aumata, roerata, masisi goyogoyoina, vaináwana, totalavaita polapola be nakae tagíwaya sisowóduwo.

Madiu 7:15

Tuwaina Yeisu kana, ‘Ami dodōkana! Tokabivalavala polapola bei sima; adi kaigigita kaitoowosidi nakae. Kom go vatau? Kidi sinaedi weiniya woliwoli nakae latuwodi sikanimi!

Luke 16:15

Tuwo Yeisu ilatuwokoidi idigo kana, ‘Komi tomota matadi goi toinimi kovayokoimi komi . E kina go Yaubada nuwomi bogina iyagoidi bego komi toogoyoimi bei liuna kobabane. Bogina koyagoi. Kaga tomota sikailaagasidi bego aba wowoina moe aba kalagíwala Yaubada matana goi.

Luke 7:13

Tomoya ivalobodedi go, kobuyayana igite, inuwokapisiye idigo kana, ‘Taabu kutaitāiya!’

Luke 7:19

idigo kana, ‘Ami taiyuwo kōna Tomoya kogīte kolumadāde kami, “Manakae? Kom Tauyam boi Yaubada ina tokabivalavala sikatotulem katuyaaosim gea, ituli ta koroto nava katuuyaosi?”’

Iyoni 12:6

Ego geya kada tauyana inuwonúwana tookaidi manudi geya, go sem tauyana tovaináwana. Mani dedeogaina irugwausi go, tomota idi mani siidodoidi maniyedi ivainaoidi. Ame pasina tauna amo nakae ibóbwara.

Iyoni 13:2

Lavilavi goi bogina sivaideda kakakáika go, iya ina Saimoni natuna Yudasa guma Keriota nukotona isanayato bego Yeisu inuwotuluye.

Guinuwa 5:3

E ime ivinidi go, kina idigo kana, ‘Ananiyasi, kaga unana kutagona Kaleya ikalimonem, e yaina kupola go, poyapoya maisana maniyena kuyoisi?

Galetiya 1:14

Tuwaina, kai Diyuu ima tapwaroro ana vatulúkwana akibobosidoko. Nakae segowo badabadaidi guna malamalágata goi akalisavedi unana tubumao goi ima magu salau ayoisikavatedokoidi.

2 Timoti 3:5

Adi kaigigita yábana sinapuna ana toguinuwao go, Yaubada ina togaga atedi adi kaigavila manuna sikatae. Tauna nakae tomotayadi idi sinapu tuta ana kaba lukavava goi. Amo tauyadi kuvakiilisīdi.

Taito 1:15

Tonumisayao kulatuwokōidi amo lovinayadi sikalavedi unana ame: Avatauwa neta atedi maavadaidi Yaubada matana goi, awoinu liliudi taagonaidi. Go avatauwa neta atedi baailidi Yaubada matana goi o kada, ‘Geya sinumiseta’, e yaidi goi geya tayaamo awoinu taagonaina, go sem kidi nuwodi be atedi, aiyuwokova, baailidi.

Yemesa 4:8

Yaubada koononōko bei Tauyana iiwokoimi. Komi toogoyoimi nimami konikīdi go, komi tonanayuwo nuwomi kokimasabēdi Yaubada umana.