Luke 1:68 - Buki Kimaasabaina

⁶⁸ ‘Yauwe kita Isileli tubunao ida Yaubada aba kaodedevina! Tauyana bogina ivadadeda be kita ina bodao itateteda.

Luke 1:68 Iomraidhean Croise

Aba Vatowo 14:20

Yaubadayana aba yapali! Im kaleyayao goi iyavem be nimam goi iyatoidi.’ E tuwo Eberam ina kaleyayao konadi liliudi bogina ikabidi iwotaidi aiguyau ana badabada yawou go, aiguyau tayamo ikabi Melikisedeki ivini.

Aba Vatowo 24:27

idigo kana, ‘Yauwe, guna tomoya Eberamo ina Yaubada, itoboinegu ayapaliyem. Im tauyana yaina. Bogina kuvakedegu ama guna tomoya osenao yaidi goi.’

Aba Vatowo 9:26

Aiyuwoina kana, ‘, kom Semi ina Yaubada yaim isakululu, e kayapaliyem. Kenani kuvayōko kina Semi ina pákwana.

Tateta 4:31

Isileli tubunaoyadi sikabikáwana. Tutayana sinove bego Yauwe bogina ivadadedi nakae idi kaiyakomou bogina igite, e aedi sivatugúyala Tauyana yaina sisakululu.

Luke 1:71

Ina katotulayana bego ada yava tababane ida kaleyayao yaidi goi nakae ada tokaoliliwo nimadi goi.

Luke 19:44

Ago geya koyagoiyeta imi tuta Yaubada ina vadádana manuna. Tauna tomota bei sima sitauwemi. Nakae geya tayaamo gurewa vaapopoina asa goi ikaaiyaka, go sem madabokina sitagaegaekowosidi. Go imi bodao nakae bei simtulidi.’

Luke 2:38

Moe tutayana Simioni nava ibobóbwara, Anayana ibala ima tauyadi yaidi goi Yaubada iyapaliye be gomanayana manuna itaalavaita da Yerusalema nakae Isileli tubunao liliudi yaidi goi neta adi tateta situuyaosi.

Luke 24:21

E kai go kaalotuta bego Tauyana nakona Yaubada ina kinava bogina ima bei kita itateteda. Tuwo kanuwonúwana bei itaoyamna nakae idige, go geya, go sem ame bogina maliyalina aito ina kámasa mlina go, geya tayaamo kaga isowóduwo.

Luke 7:16

E madabokidi madi wowoina simatoita, tuwo Yaubada ina togaga ana sikamoitamoe kadi, ‘Yaubada ina gagaina bogina yaida goi iitaoya!’ Aiyuwoina kadi, ‘Yaubada kita ina bodao bogina ivadadeda!’

Epeso 1:3

Yaubada aba yapali! Tauyana ida Tomoya Yeisu ina yabobona liliudi yábana osasaina goi iviniibesoida.

Epeso 1:7

Kita ida spwagógana Tauyana taiyao pasina ikaikaina goi ada tateta tababane o tadigo kada, ‘Ina kanuwóiya gagaina toina goi ida kapipilova inuwotaoidi.’

Iberiu 9:12

Bateta Kimasabainayana yábana goi isiu ina Tukunu Kimaasabaina Toina goi go, geya kada ikaikaina goi o bulumakau bonatuna ikaikaina goi geya, go sem toinina ikaikaina goi sivatayamo Tukunuyana isiu, e ina guinuwa goi itatetevataeda.

1 Pita 1:3

Yaubada aba yapali! Tauyana ida Tomoya Yeisu ina Yaubada be nakae Tamana. Tauyana mana nuwokapisi gagaina kita bibina vau ivinida Yeisu Guyau ina taoyamna tokámasa yaidi goi pasina, e bei itoboineda talotuta vata.