Osea 11:1 - Wanano OT Portions

¹ Yawe to yare yahu mʉhtariro Oseare õ sehe ni yahu mʉhta dutiha israe masare: —Panopʉre israe masa mahainacã ti jisinia tiri pjapʉre yʉhʉre yʉ macʉ yoaro sehe tina cahñohre. Ã jii tinare cʉ̃iro yoaro sehe “Macʉ” nihi. Baharopʉre yʉ macʉre Egiptopʉ jirirore pji wiohi —ni israe masare yahu mʉhta dutiha Yawe Oseare.

Osea 11:1 Iomraidhean Croise

Éxodo 19:4

“Egipto masare yʉ buhiri dahrerire ñʉhre mʉsa. Ã yoa mʉsare yʉ noano cahĩa mehne noano ñʉ wihbo, mʉsare õpʉ yʉ na tariro cʉ̃hʉre masina mʉsa.

Éxodo 4:22

To ã wa wio duaerachʉ ñʉcʉ, mʉhʉ sehe yʉhʉre õ sehe ni yahubasaga tirore: “‘Israe masa curua yʉ wahma pohna ti mʉhtariro yoaro sehe jiri curua jiro nina.

Éxodo 4:23

‘Tí curuare wa wiojaro yʉhʉre ti ño payoa wahahto sehe’ yʉ nirocapachʉta, mʉhʉ sehe tinare wa wio duaerare. Mʉ ã wa wio duaerachʉ ñʉi, yʉhʉ cʉ̃hʉ mʉ macʉ mʉ wahma pohna ti mʉhtarirore wajãnocaihtja’ ni, yahurocahre Yawe mʉhʉre” ni, yʉhʉre yahubasaga tirore —niha Yawe Moisere.