Números 27:20 - Wanano OT Portions

²⁰ Ã ni tuhsʉ, masa sehere õ sehe ni yahuga: “Yʉ cohtotaro, mʉsare sʉho ji mʉhtahtiro cjihto ahrirota jira. Ã jina yʉ pʉhtoro jichʉ, yʉhʉre mʉsa ño payoriro cjiro seheta ahriro cʉ̃hʉre ño payoga. Tuhsʉ, to dutiro seheta yoa mʉjaga mʉsa” ni, yahuga tinare.

Números 27:20 Iomraidhean Croise

Números 27:19

Pjiroca tuhsʉ, jipihtina mʉ masa cʉ̃hʉre pji cahmachuga. Ti cahmachu pihtichʉ ñʉ, Josuére na wahcã, sacerdote Eleasa to ñʉrocaroi ã yoa masa jipihtina ti ñʉrocaroi dapoga tirore. Dapo tuhsʉ, mʉ wamomacarine to dapu bui payo, jipihtina ti tʉhorocaroi õ sehe ni yahuga tirore: “Mʉhʉta jira yʉ cohtotaro, ahrinare sʉho waja mʉhtahtiro” ni, yahuga tirore.

Números 27:21

‘Ã yoa Josué sahsero pji, ahrire yahu namoga tirore: “To mʉ sʉro masare waja mʉhtaeno tjijaro tiro. To yoahtire masi duaro, sacerdote Eleasa sehere sinitu ñʉ mʉjajaro tiro. To sinitu ñʉchʉ, Eleasa sehe Urĩ wama tia pocare yʉ ñʉrocaroi doca payo mʉjajaro. To ã yoaro mehne yʉhʉ sehe Eleasare masichʉ yoaihtja Josuére yʉ yoa dutiare. Ã masino, Eleasa sehe yʉ yoa dutiare Josuépʉre yahu turia mʉjajaro jʉna. To yahu turia mʉjano seheta Josué sehe israe masare sʉho waja mʉhtajaro.” Ã ni, Josuére yahu namoga —niha Yawe Moisere.