Números 27:18 - Wanano OT Portions

¹⁸ To ã ni sinichʉ tʉhoro, Yawe sehe tirore õ sehe ni yahuha: —Nũ macʉno Josué, dohse jia dahraa jichʉ, dahrariro baro jira. Ã jicʉ mʉhʉ sehe mʉ cahapʉ tirore pjirocaga.

Números 27:18 Iomraidhean Croise

Génesis 41:38

à jiro tiro faraõ sehe to doca macaina pʉhtoare õ sehe niha: —Ne pairo ahriro yʉhdoro masirirore bocasi mari. Ahriro sehe Cohamacʉ to yoadohoa mehne noano masiriro jiri jira —ni yahuha tinare.

Éxodo 17:9

Tina mehne ti cahma wajãa wihichʉ ñʉno, Moise sehe tirore yoadohoriro Josuére, õ sehe niha: —Cjero mari mehne macaina cahma wajã mihniinare bese, ñamichaca tina mehne waha, amalecita masa mehne cahma wajãi wahaga. Mʉsa cahma wajãno wato, yʉhʉ cʉ̃hʉ ahri tʉ̃cʉ buhuropʉ mʉjaa, tópʉ jiihtja. Tópʉ yʉ tjuadʉ, Cohamacʉ yʉhʉre “Ahdʉ mehne yoa ñoga mʉhʉ” to nidʉre cjʉariro jiihtja yʉhʉ cʉ̃hʉ —niha.

Números 27:23

Dapo tuhsʉ, to wamomacarine Josué dapu bui payo, “Mʉhʉta jira yʉhʉre cohtota, ahrinare wajahtiro” ni, yahuha tirore.

Deuteronomio 34:9

à yoa tiro Moise cjiro sehe catisininopʉ tirore cohtotahtiro Nũ macʉno Josuére to dapu bui to wamomacarine payo, tirore Cohamacʉre sini payoa tiha. To sini payori baharo, Josué sehe masare to sʉho waja mihnia tiare cjʉa dʉcaa tiha jʉna. Tíre cjʉaro, israe masare noano sʉho wajaa tiha tiro. à yoa israe masa cʉ̃hʉ tirore noano yʉhtia tiha. à yʉhtia, jipihtia Yawe Moise cjiro mehne to cũri dutiare yʉhtia nia tiha tina.

1 Samue 16:18

To ã nichʉ tʉhoro, cʉ̃iro tina mehne macariro sehe õ sehe ni yʉhtiha tirore: —Yʉhʉ cʉ̃iro Belẽ macariro Jesé macʉnore masija. Tiro arpare noano bʉapʉtẽ mihniriro jia tihre. Tuhsʉ, õpe ji namoa tihre to jia tia. Tiro cuaro waharo watore cuierariro baro jia tihre. Tuhsʉ, noano cahma wajã mihniriro jia tihre. Tuhsʉ, masa cʉ̃hʉre noano sʉhʉduriro baro cʉ̃hʉ jia tihre tiro. Tuhsʉ, noano ñʉhto noariro cʉ̃hʉ jia tihre. Yawe cʉ̃hʉ tirore piti ti, noano yoadohoa tihre tirore —ni yʉhtiha tiro.