Números 20:1 - Wanano OT Portions

¹ Wahma cʉhmare wahma ti quihõ dʉcari sʉ̃i israe masa wʉari dʉjʉro, yucʉri marieni dʉjʉropʉre sʉa tiha. Tí dʉjʉro sehe Sĩ wama tiri dʉjʉro jia tiha. Tí dʉjʉroi cʉ̃ maca, Cadese wama tiri maca jia tiha. Tí macai tina israe masa sehe mahaa dachori jisinia tiha. Tói ti jichʉ, Moise wahmiono Miriã yariaa wahaa tiha. To yariachʉ ñʉa, to pjacʉ cjirore tóihta yaa tiha tina.

Números 20:1 Iomraidhean Croise

Éxodo 15:20

Yawe to ã yoachʉ ñʉno, Aarõ wahmiono, Miriã, Cohamacʉ yare yahu mʉhtaricoro sehe cʉ̃ tʉ, wachʉ cahsaro mehne ti dahreri tʉre na, tí tʉre cjãnota, dahpo tiha. To ã yoachʉ ñʉa, jipihtina paina numia cʉ̃hʉ tí tʉri barore na, cjãata, tí numia cʉ̃hʉ dahpo tiha.

Éxodo 2:4

To ã yoachʉ ñʉno, tirocã wahmiono sehe yoaropʉ duhti ñʉ ducuha, “¿Dohse waharohcari tirocã?” nino.

Éxodo 2:7

Tirocãre to bocachʉ ñʉno, nijinocã wahmiono sehe to cahai wihi, õ sehe niha ticorore: —¿Dohse jibocari cʉ̃coro hebreo masonore yʉ mʉhʉre macabasaco wahachʉ? Ticoro tirocãre pũ bʉcʉobasaboca mʉhʉre —niha.

Números 13:21

Baharo tina sehe to niriro seheta tí yahpare duhti ñʉ tinia wahaa wahaha jʉna. Sĩ wama tiri dʉjʉrore poto yʉhdʉ wahcã, Néguebe wama tiri dʉjʉropʉ sʉ, tói duhti ñʉ dʉca wahcãa tiha tina. Tí dʉjʉrore duhti ñʉ wahcã, pʉ Hebrõ wama tiri macapʉ sʉha. Tí macai tiaro mʉa Aimã, Sesai, ã jichʉ Talamai wama tiina jia tiha. Tina sehe Anaqui cjiro panamana ji turiainapʉ jia tiha. Tiro cjiro panamana ji turiaina sehe mʉaina wʉri ji, tuhsʉ, pjacʉ tuaina wʉri cʉ̃hʉ jia tiha. Tina wʉri ti jiri maca Hebrõ sehe bʉcʉ maca waro jia tiha. Egipto yahpapʉ jiri maca Soãre maca ti pjãhto panopʉ tí maca Hebrõ sehe ji tuhsʉa tiha. Baharo tina sehe Hebrõre yʉhdʉ wahcãa, Rehobe, Hamate wama tia macari sʉro cahacãpʉ sʉa tiha. Tí macari sehe Canaã yahpa ji batoaro caha curepʉ jia macari jia tiha. Tí macari sʉro caha curepʉ duhti ñʉ batoa tiha tina.

Números 13:26

Majare tjuaa, ti wijaa dʉcari maca Cadesepʉta majare tju sʉha tjoa, Parã wama tiri dʉjʉroi jiri macapʉ. Tju sʉ, Moisere, Aarõre, ã jichʉ israe masa cʉ̃hʉre Canaã yahpapʉ ti ñʉrire yahuha. Tuhsʉ, tó macaina ti toaa dichare, ti na tari cʉ̃hʉre tinare ñoha.

Números 20:16

à ñano yʉhdʉna, Yawere yoadohoa sinihi sã. Sã sinichʉ, tiro sehe sãre cʉ̃iro anjore sã cahapʉ warocari jihre. à yoa tiro anjo sãre Egiptopʉ jiinare na wiohre jʉna. à jina sã mipʉre mʉ ya yahpa cahacãi jiri macai Cadese jija” ni, mʉhʉre yahu dutia warocahre sãre.

Números 20:22

à yoa jipihtina israe masa Cadese wama tiri macai jimarina waha namo, tʉ̃cʉ Hor wama tidʉ cahapʉ sʉha.

Números 20:28

Pji mʉjaa sʉ, Aarõ sacerdotea bui pʉhtoro jiro, to sãari suhtirore tjuwe na, Eleasare sãaha. To ã yoari baharota, tʉ sohtoapʉta Aarõ yariaa wahaha. To yariari baharo, Moise, ã jichʉ Eleasa, tina pʉarota dijaa wahaha jʉna.