Números 14:6 - Wanano OT Portions

⁶ Ã yoa ti ya yahpa cjihtore duhti ñʉa sʉrina mehne macaina, Nũ macʉno Josué, ã jichʉ Jefone macʉno Calebe tina pʉaro cʉ̃hʉ cahyaro mehne ti suhtire tʉhrẽha.

Números 14:6 Iomraidhean Croise

Génesis 37:29

Ti ã naa wahcãrire Rubẽ sehe ñʉeraha. Ã jiro baharo tí copa cahapʉ wahaha. Josére na wioro waharo nimaha tiro. To sʉchʉ, tiro sehe tí copapʉre mariaha jʉna. To mariachʉ ñʉno, tuaro cahyaha tiro. Ã cahyaro, to suhtirore tʉhrẽha.

Génesis 37:34

à ninota, tiro to suhtirore tʉhrẽha. Tʉhrẽ tuhsʉ, pa suhtiro, to cahyaro sãari suhtiro sehere cohtota, sãaha. Sãa tuhsʉ, tiiha tiro. Tuhsʉ, yoari pja tiro cjirore wacũrucu, cahyarucua tiha.

Génesis 44:13

To ã bocachʉ ñʉa, to wahmisʉma sehe tuaro cahya, ti suhtire tʉhrẽha. Baharo ti wajure ti burroa buipʉ na payo, tí macapʉta majare tjuaa wahaha tjoa.

Números 13:30

Ti ã ni yahuchʉ tʉhoa, masa, Moise potoi ducuina sehe, nure dʉcaha. Ti nurechʉ tʉhoro, cʉ̃iro duhti ñʉina mehne sʉriro Calebe sehe: —Dihta mariahga mʉsa —niha. Ã ni tuhsʉ, õ sehe ni namoha tiro: —Ti jiri yahpare mana wahajihna mari. Tí yahpare mana wahana, bihonocanahca mari —niha tiro tinare.

Números 14:24

Calebe, yʉhʉre dahra cohtariro pinihta yʉhʉre yʉhdʉrʉcaro marieno ã wacũ tuarucuriro jira. Ã jiro tiro to duhti ñʉno sʉri yahpa cjiropʉ sãanohca. Ã yoa to panamana ji turiaina cʉ̃hʉ tí yahpare pʉ ti jiahca —ni yʉhtiha Yawe Moisere. Ã ni yʉhti tuhsʉ, õ sehe ni yahu namoha:

Números 14:30

Yʉhʉ mʉsare cua pisaro mehne, ‘Tí yahpai ji dojoachʉ yoaihtja’ yʉ niri yahpare ne sãasi tina” nihre mʉsare —ni yʉhʉre yahubasaga tina mʉ coyeare. ‘Ã yoa yʉ niriro seheta Jefone macʉno Calebe, ã jichʉ Nũ macʉno Josué tina pʉaro pinihta tí yahpapʉre sãahca.

Números 14:38

Josué ã jichʉ Calebe tina pʉaroreta wajãeraha Yawe.

Números 14:5

Ti ã nichʉ tʉhoa, Moise, Aarõ tina pʉaro tuaro cahyaha. Ã cahyaa, masa jipihtina ti ñʉrocaroi na tuhcua caha sʉ, muhri caha dijaha, pʉ ti wʉhdʉa wapari yahpa pihachʉpʉ. Tó sehe yoa, Cohamacʉre siniha tina.

Números 14:7

Tʉhrẽ tuhsʉ, ti coyea israe masare õ sehe ni yahumaha tina: —Sã duhti ñʉna sʉri yahpa sehe mari ya yahpa cjihto sehe noaputiari yahpa jihre.