Números 14:25 - Wanano OT Portions

²⁵ —Ã yoa mʉsa sehe Canaã yahpapʉre wahasiniena tjiga. Mʉsare tí yahpapʉ jiina amalecita masa, cananeo masa cʉ̃hʉ mʉsa taa quitire tʉhoa, mʉsa mehne cahma wajã taa, tʉ̃ yucʉri watoi bʉcʉa caha cohtaapʉ nina. Ã jina mʉsa sehe ñamichacata wʉari dʉjʉropʉ majare tjuaa, Sohãri ma caha sehe wahasiniga —ni yahu namoha Yawe Moisere.

Números 14:25 Iomraidhean Croise

Números 13:29

à yoa tí yahpapʉre masa payʉ curuari macaina jihre. Jihre amalecita masa, hitita masa, jebuseo masa, amorreo masa, cananeo masa jihre tí yahpapʉre. Amalecita masa sehe wʉari dʉjʉro, Néguebe wama tiri dʉjʉropʉ jihre. à yoa hitita masa, jebuseo masa, ã jichʉ amorreo masa tina tia curua macaina sehe tʉ̃ yucʉri caha pahrẽ sehe jihre. à yoa cananeo masa sehe dia pjiri ma, Mediterráneo wama tiri ma dʉhtʉ cahapʉ jihre. Jordão wama tiri ma dʉhtʉ cahapʉ cʉ̃hʉre cananeo masata jihre —ni yahu namoha tina.

Números 14:26

Moisere ã ni yahu tuhsʉ, Aarõ to tʉhoroi õ sehe ni yahu namoha:

Números 14:4

Tinare ã ni tuhti tuhsʉ, ti sahsero õ sehe ni durucuha: —Pairo mari pʉhtoro cjihto bese, sõno cahmana marine. Tiro marine Egiptopʉ sʉho mʉ tã tjuaarohca —ni durucumaha tina.