Números 14:2 - Wanano OT Portions

² Ã wahaa, tina jipihtina Moisere, ã jichʉ Aarõre ñano ni tuhtiha. Õ sehe ni tuhtiha tina: —Egipto yahpapʉ sã yaria pihtia wahachʉ noaboa sãre. Tuhsʉ, ahri dʉjʉro, wʉari dʉjʉroihta sã yaria pihtiachʉ cʉ̃hʉre noa yʉhdʉaboa sãre.

Números 14:2 Iomraidhean Croise

Éxodo 14:11

à tuaro sinipahta, Moise sehere õ sehe ni tuhtiha: —¿Dohse jiro baro mʉhʉ sãre õ sehe yoari? Õpʉ wʉari dʉjʉro, yucʉri marieri dʉjʉropʉ sãre na ta yariachʉ yoaeraboa mʉhʉ. ¿Mʉ ñʉchʉ, Egiptopʉre sãre yaboro mariari? ¿Dohse yoai tai sãre, Egiptopʉ jiinare na tari mʉhʉ?

Éxodo 15:24

Tóre ti sihniboa co mariachʉ ñʉa, Moise to masa curua sehe to tʉhoeraroi tirore ñano ni, durucu cohtaa tiha. To tʉhoro cʉ̃hʉre tirore õ sehe ni tuhti, sañurucua tiha: —Cjero sãre sã sihnihti core na tabasaga —ni tuhti, sañurucua tiha.

Éxodo 17:3

To ã nipachʉta, tina sehe ne tjueraha. Ñano ñahma yapioro tʉhotua niha tina. Ã jia Moisere ñano ni durucu cohta dʉcaa tiha. Baharo to tʉhoroi tirore õ sehe niha tjoa: —¿Dohse yoai tai sãre Egipto yahpapʉ jiinare na tari mʉhʉ? ¿Sã jipihtinare sã wahiquina mehnepʉta ñahma yapioro mehne yaria pihtia wahachʉ yoa duai, õpʉ na tari mʉhʉ sãre? —niha tina.

Joná 4:3

à jicʉ õ macainare mʉ buhiri dahrerachʉ, ne ji coaeraca yʉhʉ. Yʉ yariaa wahachʉ noa yʉhdʉaboa yʉhʉre. à jicʉ mʉhʉ sehe tinare mʉ wajãboriro cohtotaro, yʉhʉ sehere wajã bahrañoga —niha Joná Cohamacʉre.

Joná 4:8

à yoa tjoa bohrea cahari baharo, sʉ̃ mʉja taro caha sehe, wihnono ñano siri wihnono wã tu mʉ mʉja tachʉ yoaha tiro. à yoa tí dachore sʉ̃ cʉ̃hʉ tuaro waro siha. à jiro Joná sehe sʉ̃ siro mehne mahano yariamaha. à yaria moñono, õ sehe niha tiro: —Ñaputiaro yʉhdʉca yʉhʉ. Poto yʉ yariaa wahachʉ, noaboa yʉhʉre —niha.

Números 14:1

à yoa israe masa sehe ñaa quitire tʉhoa, tuaro cuiha. à cuia, tí ñamine tuaro mehne sañurucu, tiiha tina.

Números 14:22

Ne cʉ̃iro yʉhʉre yʉhdʉrʉcariro cjiro tinare yʉ wabori yahpapʉre sãasi. Tina sehe yʉ tina mehne jichʉ, yʉ si siteare ñʉmahre. Ã yoa Egipto yahpapʉre, tuhsʉ, wʉari dʉjʉropʉ cʉ̃hʉre ti yoa bihoeraare yʉ yoa ñochʉ cʉ̃hʉre ñʉmahre tina. Ã ñʉpahta, yʉhʉre masieraina yoaro sehe yʉhdʉrʉca, diez tahari waro tuaro mehne ti cahmaare yʉhʉre sinihre. Ti ã yoari buhiri ti ñʉchʉsʉma cjiripʉre cua pisaro mehne, “Waihtja mʉsare” yʉ niri yahpapʉre ne sãasi tina.

Números 20:2

à yoa tóre ti sihniboa co mariea tiha. à mariachʉ ñʉa, tina israe masa Moise cʉ̃hʉ mehne suaha. à suaa, jipihtina cahmachu, tuaro mehne tinare õ sehe ni sañu payoha: —Yawe mari coyea cjirire yariachʉ yoahre. Tina cjirire to yariachʉ yoari pjaihta sã cʉ̃hʉre yaria pihtia wahachʉ yoaro, noaboa.

Números 20:4

Sãre Yawe ya curuare, ¿mʉsa cʉ̃hʉ dohseana tana õpʉ wʉari dʉjʉropʉ na tari? ¿Sã nuina wahiquina mehnepʉta yaria pihtiachʉ cahmana, na tari mʉsa?

Números 21:5

Ji coaera waha, Cohamacʉre, ã jichʉ Moise cʉ̃hʉre õ sehe ni tuhti wahcãha: —¿Sãre Egiptopʉ jimarinare õpʉ wʉari dʉjʉro, yucʉri marieri dʉjʉropʉ yariachʉ yoana tana, sãre na tari mʉsa? ¡Sã sihnihti co baro, sã chʉa baro cʉ̃hʉ ne mariahna ahri yahpare! ¡Maná wama tiare dachoripe chʉna, yabi yʉhdʉaja sã! —ni tuhtiha.