Números 14:18 - Wanano OT Portions

¹⁸ “Yʉhʉ Yawe dói waro suariro jieraja. Yʉ masare ã cahĩrucuja yʉhʉ. Tina yʉhʉre yʉhdʉrʉcaa, ti ñano yoaare bo mʉjaja yʉhʉ. Ã bo mʉjariro jipaihta, buhiri tirirore, ‘Ahriro buhiri marieriro jira. Buhiri dahresi tirore’ nieraja. Ñano yoaina warore buhiri dahreja yʉhʉ. Ã yoa ti pohnare, ã jichʉ ti panamana ji turiaina cʉ̃hʉre buhiri dahreja yʉhʉ” nihre mʉhʉ.

Números 14:18 Iomraidhean Croise

Éxodo 20:5

Yʉhʉ jija Yawe mʉsa Cohamacʉ waro. Ã jina ne tí masʉrine na tuhcua caha sʉ, ño payoa cjʉaena tjiga. Yʉhʉ jija mʉsare cahĩriro waro. Ã jicʉ mʉsare yʉhʉre ñʉ yabi, paina cohamanare ño payoa mʉsa cjʉachʉ, buhiri dahre turiaihtja mʉsa pohnare, mʉsa panamanare, ã jichʉ mʉsa panamana pohna cʉ̃hʉre.

Éxodo 20:6

Wiho mejeta, yʉhʉre cahĩ, “Yawe to yoa dutia quihõno jira” ni, yoaina sehere tuaro cahĩihtja. Tuhsʉ, mʉsa yʉhʉre cahĩ cahmaina pohnare, ã jichʉ mʉsa panamana, mʉsare ji nʉnʉ tihtina cʉ̃hʉre, payʉ tjururi macainapʉre cahĩ turia dijaihtja.

Joná 4:2

à suaro, Yawere õ sehe niha: —Yʉ Cohamacʉ Yawe, yʉhʉ sehe mʉ jia tiare masi tuhsʉhi. Mʉhʉ sehe ñainare cʉ̃ bʉhʉsehe noariro jira. Pja ñʉriro cʉ̃hʉ jira. Tuhsʉ, so suaerariro cʉ̃hʉ jira mʉhʉ. Cahĩa tia pihtierariro cʉ̃hʉ jira mʉhʉ. Tuhsʉ, mʉ buhiri dahreboina mʉhʉre ti quihõno tʉhochʉ, buhiri dahrerariro baro cʉ̃hʉ jira mʉhʉ. Yʉhʉ sehe ahri mʉ jia tiare masi tuhsʉhi. à masicʉta, tó pano mʉ yʉhʉre õpʉ warocachʉ, ta duaeramahi yʉhʉ. à jicʉ Españapʉ duhti wahcãa wahamahi yʉhʉ. Yʉhʉ sehe õ sehe ni masi tuhsʉhi: “Yʉ tópʉ waha, tinare Yawe to yahu dutiare yʉ yahuchʉ, tina sehe tíre potocã tʉhoahca. Ti ã potocã tʉhochʉ, Yawe sehe tinare buhiri dahreboriro buhiri dahresi” ni, masi tuhsʉhi yʉhʉ.

Números 14:17

à jicʉ mʉhʉre õ sehe ni sinija yʉhʉ. Noaputiaro mʉ pja ñʉa tiare, mʉ cahĩa tiare yʉ masare mʉ ñochʉ cahmamaca yʉhʉ. Mʉ basi mʉ yahuriro seheta mʉ yoachʉ cahmamaca yʉhʉ. Mʉhʉ sehe õ sehe nihre: