Levítico 1:3 - Wanano OT Portions

³ ‘Ã yoa diro wachʉre wajã, pjarirore jʉ̃ wa mʉo duariro baro, to pjacʉre ne soro jia baro marierirore na tajaro. Pari turi yʉhʉ mehne to noahto sehe, tiro masʉno, to wachʉre yʉ ya wʉhʉ sãari sopaca cahai naa wahcãjaro. Tói Aarõ panamana ji turia dijaina, yʉhʉre dahra cohtaina to wachʉre ñahabasaahca yʉhʉre jʉna.

Levítico 1:3 Iomraidhean Croise

Génesis 22:13

To ã niri baharo, Abrahã ñʉrocamahno, ñʉ bocaha. Cʉ̃iro oveja mʉno, cʉ̃dʉ yucʉcʉ yahpadʉcã dʉpʉri payʉdʉi to saharipʉ suhri wahãriro ducuha. To macʉnore yoaborire tiro sehere nano waha, wajã, jʉ̃ wa mʉo, ño payoha Cohamacʉre jʉna.

Génesis 22:2

To ã nichʉ tʉhoro, Cohamacʉ sehe tirore õ sehe ni yahuha: —Mʉ macʉ cʉ̃iro jiriro, Isaare, mʉ tuaro cahĩrirore naaga Moria yahpapʉ. Tópʉ tʉ̃cʉ, yʉ mʉhʉre ñohtʉ sohtoapʉ mʉ macʉre wajã, jʉ̃ wa mʉo, yʉhʉre ño payoga —niha.

Génesis 22:8

To ã nichʉ tʉhoro, tiro Abrahã sehe õ sehe ni yʉhtiha: —Cohamacʉ masinohca tiro ovejacã mʉnore mari wajã, jʉ̃ wa mʉohtirore. Tiro masinohca, macʉ —ni yʉhtiha to pʉcʉro. Tina pʉaro mʉjaarucusinia niha.

Génesis 8:20

à yoa wija ta pihtiri baharo jʉna, tiro Noé sehe tãa mehne pari tuhu dahre mʉoha. Dahre mʉo tuhsʉ, Noé cãina wahiquina, ã jichʉ wʉina cʉ̃hʉre masa Yawere ño payoa taa, ti wajãsoinapere beseha. To beserinare wajã, tãa tuhu, to cahnori tuhu buipʉ jʉ̃ wa mʉoha. Tó sehe yoa, Yawere ño payoha.

Éxodo 12:5

‘Ã yoa tina wahiquina mʉa, cʉ̃ cʉhma cjʉarina jijaro. Tuhsʉ, dohatia maeraina dojori wahya jieraina cʉ̃hʉ jijaro. Tina wahiquina ovejaa mʉare bese dua bese, o cabraa mʉare bese dua, besejaro.

Éxodo 24:5

Tí pjĩnine dapo tuhsʉ, cãina wahma yapiare pjiroca, õ sehe niha tinare: —Wachʉa wihãa cureinare wajã, pjainata Yawepʉre jʉ̃ wa mʉoga mʉsa. Baharo paina tó sehe jiinareta wajã, tina sehere wiho yihso, cãa sirire jʉ̃ wa mʉoga. Dʉhsaa siri sehere tóihta jipihtina mari israe masa pʉhõ chʉjihna. Ã pʉhõ chʉna, õ sehe ni wacũjihna mari: “Cohamacʉ marine to ya curua cjihti wahachʉ yoahre” ni, wahchea mehne wacũjihna mari —niha Moise tinare. To ã nichʉ tʉhoa, tina wahma yapia sehe to dutiro seheta yoaha.

Éxodo 32:6

à yoa pa nʉmʉ bohrearocã tina wahcãa, wachʉ wihãriro masʉre ño payoha. Pʉa taha macaa tí masʉre ño payoa mehne waha. Aarõ to dahre mʉori tuhu buipʉ, wahma ti ovejaa wajãinare, ti cohamacʉre jʉ̃ wa pahño, ño payoha. Baharo, paina ovejaa ti wajãinare, tinare cãa dihi yihso na, tãa tuhu buipʉta jʉ̃, ño payoha tirore. Dʉhsaa dihi sehere pʉhõ, ti basi chʉnocaha. Tó sehe yoaa, “Mari cohamacʉ ñʉrocaroi noano jia tijihna mari basi” ni, tí tʉhotua mehne ã yoaa niha. Baharo tíre chʉ, ti sihnia ti yoaa cʉ̃hʉre sihni, caha wahaha. à cahaa, mʉa, numia mehne ñano yoaha.