Levítico 1:1 - Wanano OT Portions

¹ Ã yoa Yawe to ya wʉhʉ puhichapʉ jiro, Moisere õ sehe ni yahuroca wioha:

Levítico 1:1 Iomraidhean Croise

Éxodo 19:3

Ti ji caha sʉri baharo, Moise sehe tʉ̃cʉpʉ mʉjaha Cohamacʉre piti bocaro waharo. Tópʉ to mʉja sʉchʉ, Yawe sehe õ sehe niha tirore: —Ahrire yahuga Jacobore ji nʉnʉ tirinare, israe masare:

Éxodo 24:12

Baharo, Yawe Moisere õ sehe niha tjoa: —Ahdʉ tʉ̃cʉpʉ mʉja ta namoga. Mʉja ta namo, yʉ cahai tjuasiniga. Tãa pjĩnine, yʉ dutiare yʉ joa õa pjĩnine mʉhʉre wai tai nija, tí pjĩni mehne israe masare noano mʉ yahuhto noano —niroca dijoha tirore.

Éxodo 25:22

‘Ã yoa tí carore bihari pjĩ buipʉ wʉa pahmari mehne cahma ñui pu piti boca masʉri watoi jiihca yʉhʉ. Tói mʉhʉre piti bocaihca. Ã yoa tói jicʉ, paye israe masare yʉ dutihti cjihtire mʉhʉre yahuihtja tjoa —ni yahuha Yawe Moisere.

Éxodo 3:4

Moise cahacã curepʉ to sʉchʉ ñʉno, Cohamacʉ sehe tʉ jʉ̃rucudʉcãpʉ tirore: —¡Moise! ¡Moise! —ni pisuha. To pisuchʉ tʉhoro, —Õi jija —ni yʉhtiha Moise.

Éxodo 40:29

Tuhsʉ, tí wʉhʉ wijaroi, sopaca potoi wahiquinare wajã, ti jʉ̃ wa mʉo mʉjahti caro cjihto cʉ̃hʉre duhu dapoha. Tuhsʉ, tí caropʉ wahiquinare duhu payo, jʉ̃ wa mʉo, Cohamacʉre ño payoha. Jʉ̃ wa mʉo tuhsʉ, trigore olivo se mehne ti morea cʉ̃hʉre tí caroihta duhu payo, jʉ̃ wa mʉo, Cohamacʉre ño payoha tjoa. Ã yoaro, Yawe to dutiro seheta yoaro niha.