Jueces 2:7 - Wanano OT Portions

^7-9 Ã yoa tiro Josué Nũ macʉno, Yawere dahra cohtariro sehe jipihtina israe masare Yawe dihtare sʉho wacũ tua, sʉho ño payo mʉhtaa tiha. Ã yoa tiro ciento diez cʉhmari cjʉaro waro, yariaa wahaa tiha jʉna. To yariachʉ ñʉa, to coyea cjiri sehe to pjacʉ cjirore to ya dʉhteroihta yaa tiha. Tí dʉhtero sehe tʉ̃ yucʉri payʉri yahpa, Efraĩ wama tiri yahpai tjuaa tiha. Ã jia tiro cjiro coyea sehe to pjacʉ cjirore tʉ̃cʉ Gaas wama tidʉ cahacãi yaa tiha, Timna Sera wama tiri macai. Ã yoa Josué cjiro to yariari baharo cʉ̃hʉre, to doca macaina pʉhtoa cʉ̃hʉ israe masare noano sʉho ji mʉhtaa tiha. Tina cʉ̃hʉ Yawe to tuaa tia mehne ti ya curuare to yoadohochʉ ñʉrina jia tiha. Ã jia tina cʉ̃hʉ ti catisinino puro israe masare Yawe dihtare sʉho ño payo, sʉho ji mʉhtaa tiha.

Jueces 2:7 Iomraidhean Croise

Jueces 2:17

Tuhsʉ, to masare “Yawe dihtare wacũ tua, ño payojihna mari” ni, yahua timaha tiro. To ã ni yahu mʉjapachʉta, tina sehe tirore yʉhdʉrʉca mʉjaa tiha. Ã yʉhdʉrʉcaa, paina cohamana sehere ño payo mʉjaa tiha tina. Ti ñʉchʉno Josué cjiro ya tjuru macaina cjiri sehe Yawe to dutiro seheta yoaina jia tiha. Ã yoa tina cjiri panamana sehe ti ñʉchʉsʉma cjiri ti jia tiriro sehe jia tiera tiha jʉna. Tina sehe dói waro Cohamacʉre yʉhdʉrʉca mʉjaina jia tiha.

Jueces 2:6

à yoa Josué israe masare to tju wa, waa dihtaripʉ ji dutiro warocaha jʉna. To warocachʉ, tina cãa curuari ti ya dihtari cjihtire pʉ ti, jia tiha.